Nardaranda oğurluq edən ata və oğul həbs edildi

Bakının Sabunçu rayonunda oğurluq edən şəxslər həbs edilib.

Teleqraf.com xəbər verir ki, oğurluq hadisəsi rayonunun Nardaran qəsəbəsində baş verib.

Bakı şəhər sakini Namiq Fərəcullayevə məxsus evdən pəncərədən girmək yolu ilə 40 metr elektrik naqili, 1 ədəd elektrik cihazı və geyim əşyaları oğurlanıb.

Sabunçu Rayon Polis İdarəsinin 42-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş paytaxt sakinləri Qəhrəman Quliyev, oğlu Əmrah, Hüseyn Əsədov və əvvəllər məhkum olunmuş Zahid Cəbrayılov tutulublar.

Onların daha 2 evdən elektrik kabeli, habelə martın 22-nə keçən gecə qəsəbə sakini İ.Tapdıqovun həyətindən 120 metr elektrik naqili oğurlamaları da müəyyən edilib.

Hacı Zeynalov