Gəncədə qadının evinə maskalı basqın

Gəncə şəhərində yaşayış evində basqın olub.

Teleqraf.com xəbər verir ki, gecə saatlarında naməlum şəxs Gəncə şəhər sakini Sevda Tağıyevanın evinə girib.

Üzünə maska taxan həmin şəxs Sevda Tağıyevanı bıçaqla hədələyərək pul və qızıl əşyalar verməsini tələb edib. Amma həmin vaxt səs-küy yarandığından naməlum şəxs istəyinə nail ola bilməyib və hadisə yerini tərk edib.

Kəpəz Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törədən Gəncə şəhər sakini Şükür Əşrəfov tutulub.

Şükür Əşrəfovun daha bir evdən oğurluğa cəhd göstərməsi də müəyyən edilib.

Faktla bağlı cinayət işi başlanıb.

Hacı Zeynalov