Bakıda əməliyyat: 3 nəfər həbs edildi

Bakının Xəzər rayonunda narkotiklərlə bağlı əməliyyat keçirilib.

Teleqraf.com xəbər verir ki, Xəzər Rayon Polis İdarəsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Vüqar Abdullayevdən 0,075 qram heroin götürülüb.

Aparılmış tədbirlərlə V.Abdullayevin narkotik vasitəni Fikrət Babayevdən, onun isə Xalid Ağayevdən alması müəyyən edilib.

Həyata keçirilmiş əməliyyat-axtarış tədbirləri ilə F.Babayev və X.Ağayev tutulub, F.Babayevdən 335 qram, X.Ağayevdən isə 1,835 qram heroin götürülüb.

Hacı Zeynalov