Yasamalda 41 yaşlı kişi bıçaqlandı

Bakının Yasamal rayonunda bıçaqlanma hadisəsi baş verib.

Teleqraf.com xəbər verir ki, hadisə Yeni Yasamal yaşayış massivində qeydə alınıb.

Bakı şəhər sakini, 41 yaşlı Zaur Abdulov qarının kəslimiş-deşilmiş yarası ilə xəstəxanaya çatdırılıb. Müayinə zamanı Zaur Abdulovun bıçaqlandığı məlum olub.

Faktla bağlı polis orqanlarına məlumat verilib. Əməliyyat olunan yaralının ifadəsini almaq hələlik mümkün olmadığından, hadisənin hansı səbəbdən baş verdiyi və kim tərəfindən törədildiyi məlum deyil.

Hacı Zeynalov