Vyanada İranın taleyi həll olunacaq – Zərifidən açıqlama

Sabah Vyanada nüvə sazişi ilə bağlı İran, Rusiya, Çin, Almaniya, Fransa və Böyük Britaniya nümayəndə heyətləri arasında vacib görüş olacaq.

Teleqraf.com xarici KİV-ə istinadən xəbər verir ki, görüşdə ABŞ-ın razılaşmadan çıxması və mövcud nüvə sazişinin davam etməsi üçün şərtlər müzakirə ediləcək.

Vyanadakı görüşdə İranın XİN rəhbəri Cavad Zərifinin də iştirak edəcəyi gözlənilir.

Zərifi verdiyi son açıqlamada deyib: “ABŞ müqavilədən çıxmaqla bu prosesi baltaya bilməz. Bu iclasda digər tərəflərin öhdəliklərini necə yerinə yetirəcəklərini araşdıracağıq. Biz yalnız və yalnız nüvə sazişindən danışacağıq, digər məsələlər heç vaxt gündəmdə olmayacaq”.