“Qocalarla gənclər mənə qarşı birləşib, çünki...” - Herisçi

Həmid Herisçinin “Hekayələr” kitabı çapdan çıxıb.

Bu barədə Teleqraf.com-a Həmid Herisçi özü bildirib. Onun sözlərinə görə, kitabın təqdimetmə mərasimini mayda baş tutacaq.

“Aprelin 30-u doğum günümdür. Təqdimat mərasimini doğum günümdən sonra - mayın ilk ongünlüyündə müvafiq bir yerdə keçirəcəm”, - Herisçi deyib.

Onun sözlərinə görə, “Hekayələr” kitabının çapı Azərbaycan ədəbiyyatında ciddi hadisədir:

“Doğrudur, məni qəbul etməyən qaragüruhçular bu kitab olmamış kimi davranacaqlar. Bu gün Azərbaycan ədəbi gəncliyi ilə ədəbi qocalığı mənə qarşı birləşib. Çünki ikisinin də maraqlarına toxunuram, ədəbiyyatda oyunun şərtlərini pozuram”.

Nərmin