Türkiyə qırıcıları terrorçuların külünü havaya sovurdu - Video

Türkiyə Silahlı Qüvvələri Afrində keçirdiyi “Zeytun budağı” hərəkatı çərçivəsində qırıcılarla terrorçuların mövqelərinə zərbələr endirib.

Teleqraf.com xəbər verir ki, pilotsuz qurğuların müəyyən etdiyi koordinatlar üzrə hərəkət edən qırıcılar PKK/KCK/PYD-YPG və İŞİD-ə məxsus hədəfləri məhv ediblər.

Qırıcıların hava hücumunu özündə əks etdirən video-görüntülərdə hədəflərin dəqiqliklə vurulduğu aydın görünür.

Afrinin Raco bölgəsinə endirilən avia-zərbələr nəticəsində qalxan toz-duman Türkiyənin Kilis vilayətindən aydın görünüb.

Afrinin Cindərəsi bölgəsində isə səbəbi açıqlanmayan partlayış olub. Bir neçə türk əsgəri yaralanıb. Yaralılar helikopterlərlə xəstəxanaya çatdırılıb.