Prezidentə ünvanlanan - Təbrik məktubları/Yenilənir
2018.04.18 13:19
Azərbaycandakı dini konfessiyaların rəhbərləri Azərbaycan Respublikasının Prezidenti Zati-aliləri cənab İlham Əliyevə məktub ünvanlayıblar.
Teleqraf.com məktubun məzmununu təqdim edri:
"Zati-aliləri.
Sizi Prezident seçkilərində qazandığınız inamlı qələbə münasibətilə bütün Azərbaycan dindarları adından təbrik etməkdən şərəf duyur, Azərbaycan xalqı və dövləti naminə fəaliyyətinizə, həmçinin dünya miqyasında dəyər kəsb edən səy və əməllərinizə Uca Yaradandan uğurlar diləyirik.
Zati-aliləri, Siz Azərbaycan xalqının XXI əsrdə əvəzsiz liderisiniz. Xalqımız bu seçkilərdə bir daha öz iradəsini nümayiş etdirdi ki, dövlət başçısı vəzifəsində onun mənafe və maraqlarını illərlə ən yüksək səviyyədə müdafiə edərək misilsiz uğurlara imza atmağa nail olmuş bir siyasi xadimi, müdrik qərar və təşəbbüsləri ilə dünya miqyasında ölkəmizə yüksək nüfuz qazandırmış bir şəxsiyyəti görməkdə qərarlıdır. Azərbaycan xalqı, Azərbaycan dindarları öz ümdə istəklərini seçkidə bəyan etdilər, uca mənəviyyat yolunun davamına səs verdilər.
Zati-aliləri, bu dəyər və münasibəti, ehtiram və məhəbbəti Siz öz genişmiqyaslı fəaliyyətiniz, bəşəri təfəkkür və qlobal səylərinizlə haqlı olaraq qazanmısınız. Elan etdiyiniz istər "Multikulturalizm İli", istərsə də "İslam Həmrəyliyi İli" ümumbəşəri məramlara xidmət edən səyləriniz sırasında önəmli yer tutur. Tarix boyu Şərq ilə Qərb arasında körpü olmuş Azərbaycan dövləti dünyada gedən proseslərə Sizin adınız və ardıcıl səylərinizlə özəl, dəyərli töhfələr verməkdədir. Fəxrlə deyə bilərik ki, Azərbaycanın dünya çapında mədəniyyətlər, sivilizasiyalar, dinlərarası dialoq prosesində bugünkü uğurları, aparıcı rolu, fəal mövqeyi Sizin siyasi iradənizdən və qlobal təşəbbüslərinizdən qaynaqlanır.
Möhtərəm cənab Prezident, Azərbaycanın dövlət müstəqilliyinin möhkəmlənməsi, iqtisadi qüdrətinin artması istiqamətində böyük səyləriniz qürur mənbəyimizdir. Azərbaycandakı din-dövlət münasibətlərinin yüksək səviyyəsinin təmini istiqamətində əməli addımlarınız, milli-mədəni irsin dirçəlişinə göstərdiyiniz maddi və mənəvi yardım, dini abidələrə - məscidlərlə yanaşı, xristian və yəhudi dini məbədlərinə dövlət səviyyəsində qayğı və himayə müdrik siyasətin nümunəsi kimi beynəlxalq aləmdə yüksək dəyərləndirilir. Bu, bir həqiqətdir ki, Azərbaycan torpağında hər kəsin şahidi olduğu tərəqqinin, həyatın bütün sahələrində müşahidə edilən uğurların təməlində milliyyətindən, dinindən asılı olmayaraq hər bir Azərbaycan vətəndaşının Prezidenti olduğunu bəyan etmiş, etnik və dini tolerantlığı Azərbaycanın sərvəti kimi qiymətləndirən dövlət rəhbərimizin fəaliyyəti durur.
Möhtərəm cənab Prezident, biz, Azərbaycandakı dini konfessiyaların rəhbərləri bütün ölkə dindarlarının iradəsini ifadə edərək, Zati-alinizə prezident seçkilərində möhtəşəm zəfəriniz münasibətilə təbriklərimizi və dərin ehtiramımızı bildirir, Azərbaycan xalqının və dövlətçiliyinin tərəqqisi naminə gördüyünüz dəyərli işlərə Uca Yaradanımızdan rəvac diləyir, ən gözəl arzularımızı yetiririk. Uca Yaradan hər zaman yardımçınız olsun!
Qoy o bir olan Yaradan öz lütf və mərhəmətini hər zaman Azərbaycan xalqı və dövləti üzərində bərqərar etsin!
Dərin hörmət və ehtiramla,
Şeyxülislam Allahşükür Paşazadə
Qafqaz Müsəlmanları İdarəsinin sədri
Aleksandr
Bakı və Azərbaycan Arxiyepiskopu
Melih Yevdayev
Azərbaycandakı Dağ Yəhudiləri İcmasının rəhbəri
Vladimir Fekete
Azərbaycandakı Roma Katolik Kilsəsinin yepiskopu
Robert Mobili
Azərbaycandakı Alban-udi Xristian İcmasının sədri"
***
Litva Respublikasının Prezidenti Dalya Qribauskayte Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə Sizi təbrik edirəm. Bu mühüm və məsuliyyətli vəzifənin icrasında Sizə uğurlar və müvəffəqiyyətlər, ölkənizə isə davamlı tərəqqi və yüksək rifah arzulayıram.
Mən qətiyyətlə inanıram ki, Sizin rəhbərliyinizlə Litva və Azərbaycan dövlətləri arasında həm ikitərəfli səviyyədə, həm də Azərbaycan ilə Avropa İttifaqı çərçivəsində mövcud olan əməkdaşlıq bundan sonra da fəal və açıq dialoq şəraitində davam edəcək. Ölkələrimizi birləşdirən ortaq maraqlar və daha da genişlənən ikitərəfli münasibətlər ümumi məqsədlərimizə doğru birgə fəaliyyət üçün və vətəndaşlarımızın biznes, təhsil, eləcə də cəmiyyətlərarası mübadilə, turizm və mədəniyyət sahələrində qarşılıqlı faydalı münasibətlərinin möhkəmləndirilməsi istiqamətində yeni imkanlar açacaq.
İcazə verin, Sizi yenidən Prezident seçilməyiniz münasibətilə təbrik edim. Cənab Prezident, Sizə olan ən yüksək ehtiramımı qəbul etməyinizi rica edirəm".
***
Bakı Beynəlxalq Multikulturalizm Mərkəzinin İsrail Dövlətindəki nümayəndəliyinin direktoru, "Cəmiyyət üçün beynəlxalq layihələr" qeyri-hökumət təşkilatının rəhbəri Arye Qut Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Möhtərəm cənab Prezident.
Seçkilərdə parlaq qələbəniz münasibətilə Sizi ürəkdən təbrik etmək istəyirəm.
Yeni müddətə Prezident seçilməyiniz mürəkkəb geosiyasi regionda Azərbaycan Respublikasının sabitliyini və inkişafını qoruyub saxlamağa müvəffəq olan etibarlı və təcrübəli dövlət başçısı kimi Sizə xalqın tam etimad bəslədiyini bir daha təsdiq etdi. Əminəm ki, Siz müstəqil Azərbaycanın inkişafı naminə səylərinizi davam etdirəcək, Sizə xas olan müdrikliyi, böyük məsuliyyət və əsl vətənpərvərlik hissini daim rəhbər tutacaqsınız.
Sizə - Azərbaycan dövlətinin istedadlı, praqmatik və təcrübəli liderinə ən səmimi hisslərimi, dərin hörmətimi və minnətdarlığımı bir daha ifadə etmək istəyirəm. Sizin strategiyanız sayəsində bu gün Azərbaycan güclü və müstəqil dövlətdir, Cənubi Qafqazda bütün geosiyasi və geoiqtisadi proseslərin lideridir, habelə özünün dərindən düşünülmüş çoxşaxəli xarici siyasətini uğurla yürüdür.
Cənab Prezident, İsrail Dövləti və onun xalqı Azərbaycana və şəxsən Sizə böyük hörmət və ehtiramla yanaşır. Beynəlxalq arenada əhəmiyyətli, güclü və müstəqil aktora çevrilməkdə olan Azərbaycanın iqtisadiyyatını inkişaf etdirmək istiqamətində Sizin səylərinizi İsraildə yüksək qiymətləndirirlər. Azərbaycanın güclənməsi həm İsrail Dövlətini, həm də İsrail xalqını sevindirir.
Sizin praqmatik və müdrik siyasi xəttiniz sayəsində Azərbaycan tolerantlıq və multikulturalizm siyasəti yürüdür. Bunlar Azərbaycan xalqının həyat tərzidir. Bu gün Azərbaycan özünün multikulturalizm modelini təqdim edir. Bu model XXI əsrdə dünyanın bir çox ölkələrində təzahür edən millətçiliyə, şovinizmə, faşizmə və terrorçuluğa alternativdir. Azərbaycan əsl sivilizasiyalararası, konfessiyalararası və mədəniyyətlərarası dialoq nümunəsidir və nümunəsi olaraq qalacaqdır.
İsrail Azərbaycan dövlətinin və cənab Prezident, şəxsən Sizin ölkənin yəhudi icmasının ənənələrinə və həyatına dünyada heç bir bənzəri olmayan şəkildə qayğıkeş və mehriban münasibətinizi yüksək qiymətləndirir. Dünyəvi dövlətə, multikulturalizmə və tolerantlığa sadiq qaldığınıza, Azərbaycanda yaşayan bütün konfessiyaların və xalqların nümayəndələrinə hörmət bəslədiyinizə görə Siz istər İsrail cəmiyyətinin, istərsə də dünyanın digər ölkələrindəki yəhudi icmalarının dərin hörmətini qazanmısınız.
Sizə və gözəl ailənizə səmimi qəlbdən möhkəm cansağlığı, xoşbəxtlik, firavanlıq, ali dövləti fəaliyyətinizdə böyük uğurlar, qardaş Azərbaycan xalqına sülh və tərəqqi arzu edirəm".
***
Dünya Axısxa Türkləri Birliyinin baş direktoru Ziyəddin Kassanov Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli Azərbaycan Prezidenti cənab İlham Əliyev.
Sizi, türk dünyasının üç böyük liderindən birini yenidən Azərbaycan Prezidenti seçilməyiniz münasibətilə təbrik edir, Zati-alinizə qardaş Azərbaycanın daha güclü, daha sabit dövlət olması istiqamətində uğurlar diləyirəm.
Ermənistan tərəfindən ərazi bölüvlüyünə edilən təcavüzə və 25 ildən çox müddətdə müharibə şəraitində yaşamasına baxmayaraq, Azərbaycan heç zaman geriyə addım atmayıb, Dağlıq Qarabağ münaqişəsinin həlli məsələsində qətiyyətini nümayiş etdirib.
Mərhum Prezident Heydər Əliyevin memarı və qurucusu olduğu müasir müstəqil Azərbaycan, Zati-aliləri, Sizin prezidentliyiniz dövründə daha böyük uğurlar qazanaraq artıq beynəlxalq tədbirlərin keçirildiyi bir ölkəyə çevrilib.
Azərbaycanda yaşayan və sayı 70 mindən çox olan, ölkənin siyasi və sosial həyatında fəal rol oynayan axısxa türkləri aprelin 11-də keçirilmiş prezident seçkilərinə böyük maraq göstəriblər.
Zati-aliləri, Sizin yenidən Prezident seçilməyiniz Azərbaycanın rifahına, ölkənin inkişafına və ən əsası isə, regionun təhlükəsizliyinə mühüm töhfələr verəcək.
Seçkilərdə qazandığınız inamlı qələbə münasibətilə Sizi bir daha ürəkdən təbrik edir, Azərbaycanın nailiyyətlərinin davamlı olmasını arzulayırıq".
***
Türkiyənin Hak İşçi Sindikatları Konfederasiyasının baş direktoru Mahmud Arslan Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli cənab Prezident.
Qardaş Azərbaycanda keçirilən, əmin-amanlıq və sabitlik şəraitində başa çatan prezident seçkilərində Zati-alinizin Azərbaycan xalqının 86 faizdən çox səsini qazanaraq yenidən Prezident seçilməsindən duyduğumuz məmnunluğu vurğulamaq istəyirəm. Qardaş azərbaycanlıların Sizin şəxsinizdə rifaha, inkişafa, ölkədə və regionda təhlükəsizliyə səs verdikləri aydın şəkildə görünür.
Yenidən prezident seçilməyinizin Türkiyə ilə Azərbaycan arasındakı tarixi və mədəni əlaqələri "Bir millət, iki dövlət" anlayışı ilə daha da möhkəmləndirəcəyinə, daha da dərinləşdirəcəyinə dərin inamımızı məmnuniyyətlə ifadə etmək istəyirəm.
Azərbaycan ilə Türkiyə arasında inkişaf etdirdiyiniz möhkəm əlaqələrə uyğun olaraq, Azərbaycan Həmkarlar İttifaqları Konfederasiyası (AHİK) ilə Türkiyənin Hak İşçi Sindikatları Konfederasiyası arasında da oxşar qardaşlıq əlaqələrini hər ötən gün gücləndirdiyimizi vurğulamaq istəyirəm. AHİK-in Zati-alinizin liderliyi ilə Azərbaycanın sosial inkişafına töhfələrini qiymətləndiririk.
Yeni prezidentlik dönəminizdə Azərbaycanın rifahı, sabitliyi və inkişafına olduğu kimi, regionun sülh, təhlükəsizlik və sabitliyinə daha da çox fayda verəcəyinizə inanırıq.
Zati-aliləri, bu xoş fürsətdən istifadə edərək, Sizi prezident seçkilərindəki inamlı qələbəniz münasibətilə bir daha təbrik edir, bütün azərbaycanlı qardaşlarımıza hörmət və salamlarımızı çatdırırıq".
***
Beynəlxalq Avrasiya Metal İşçiləri Federasiyasının baş direktoru Pevrul Kavlak Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
Hörmətli Prezident.
Prezident seçkilərində parlaq qələbəniz münasibətilə Sizə Beynəlxalq Avrasiya Metal İşçiləri Federasiyası adından ən səmimi təbriklərimi çatdırıram.
Avrasiya xalqları arasında birliyi təmin etmək və Avrasiya ölkələri arasındakı mövcud dostluq əlaqələrini möhkəmləndirmək üçün səylərinizi federasiyamız təqdir edir.
Yenidən Azərbaycan Respublikasının Prezidenti seçilməyiniz münasibətilə bir daha səmimi təbriklərimi çatdırır, Sizə və bütün Azərbaycan xalqına, sülh, rifah və xoşbəxtlik diləyirəm.
***
TRASEKA Hökumətlərarası Komissiyasının Daimi Katibliyinin baş katibi Mirça Çiopraqa Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
Zati-aliləri, möhtərəm cənab Prezident.
Mənzil-qərargahı Bakı şəhərində yerləşən TRASEKA Hökumətlərarası Komissiyasının Daimi Katibliyi adından və şəxsən öz adımdan Sizə ən yüksək ehtiramımızı bildiririk.
Zati-aliləri, aprelin 11-də keçirilən prezident seçkilərində inamlı qələbəniz münasibətilə Sizi və Azərbaycan xalqını təbrik etməkdən şərəf duyuram. Sizə prezidentliyinizin yeni dönəmində də uğurlar arzulayıram.
Hörmətli cənab Prezident, bu xoş fürsətdən istifadə edərək Zati-alinizə, ailənizə və yaxınlarınıza ən dərin hörmətimi bildirir, səadət, müvəffəqiyyət və cansağlığı diləyirəm.
Azərbaycan Respublikası tərəfindən ölkə iqtisadiyyatının inkişafı üçün atılan real addımları və Avropa-Qafqaz-Asiya (TRASEKA) Beynəlxalq nəqliyyat dəhlizinin reallaşdırılması istiqamətində ölkələr arasında dialoqun və əməkdaşlığın dərinləşməsi işinə verdiyiniz mühüm töhfələri və göstərdiyiniz səyləri xüsusi vurğulamaq istərdim.
Zati-aliləri, Sizə ən yüksək ehtiramımızı bir daha vurğulayır, rəhbərliyinizlə Azərbaycan Respublikası tərəfindən TRASEKA Beynəlxalq nəqliyyat dəhlizinə gələcəkdə də dəstək göstəriləcəyinə ümidvar olduğumu bildirirəm.
Yaşasın müstəqil Azərbaycan Respublikası!"
***
Qaz İxrac edən Ölkələrin Forumunun baş katibi Yuri Sentyurin Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli cənab Prezident.
Qaz İxrac edən Ölkələrin Forumu adından yenidən Azərbaycan Respublikasının Prezidenti seçilməyiniz münasibətilə Zati-alinizə ən səmimi təbriklərimizi çatdırıram.
Sizin seçkilərdə qələbəniz xalqınızın tarixində parlaq dövr olmaqla, Azərbaycan xalqının öz ölkəsinin gələcəyinin müəyyənləşdirilməsində Sizə olan inamını bir daha təcəssüm etdirir. Sizin bənzərsiz idarəçilik təcrübəniz Azərbaycan üçün nadir dəyər olmaqla, Sizə ölkənizin ehtiyac duyduğu güclü idarəçiliyi davam etdirməyə imkan verir.
Qaz İxrac edən Ölkələrin Forumunda müşahidəçi üzv kimi Azərbaycan təşkilatın fəaliyyətində aktiv iştirak etmiş və Forumun qaz ixracatçılarının əksər sahələrdə mənfəətinə hesablanan məqsədlərinə nail olmaq istiqamətində birgə fəaliyyəti dəstəkləmişdir. Əməkdaşlığın genişləndirilməsi məqsədilə Azərbaycanı Qaz İxrac edən Ölkələrin Forumunun tamhüquqlu üzvləri arasında görməyə ümid edirik.
Cənab Prezident, Sizin administrasiyanıza müvəffəqiyyət, Sizə və ailənizə firavanlıq, Azərbaycana sülh və tərəqqi arzulayıram.
Bir daha Sizə ən yüksək salamlarımı və ən xoş arzularımı çatdırıram".
***
Ümumhəmkarlar İttifaqları Konfederasiyasının prezidenti, Rusiya Müstəqil Həmkarlar İttifaqları Federasiyasının sədri Mixail Şmakov Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli İlham Heydər oğlu.
Azərbaycan Respublikasının Prezidenti seçkilərində yenidən inamlı qələbə qazanmağınız münasibətilə Ümumhəmkarlar İttifaqları Konfederasiyası və Rusiya Müstəqil Həmkarlar İttifaqları Federasiyası adından ən səmimi təbriklərimi qəbul edin. Həmkarlar ittifaqları Azərbaycanın möhkəmlənməsi və inkişafı, onun beynəlxalq nüfuzunun yüksəlməsi və ölkədə sosial proqramların həyata keçirilməsi sahəsində səmərəli fəaliyyətinizi, xalqlarımız arasında dostluğun inkişafı və möhkəmlənməsinə töhfənizi yüksək dəyərləndirirlər.
İnanırıq ki, bundan sonra da Prezident vəzifəsində Siz öz nüfuzunuzdan və zəngin təcrübənizdən geniş əhali təbəqələrinin mənafeləri naminə fəal istifadə edəcək, ölkə iqtisadiyyatının sabit inkişafı, ədalətli sosial dövlət quruculuğu, Azərbaycan vətəndaşlarının layiqli həyat səviyyəsi üçün şərait yaratmaq kursunu davam etdirəcəksiniz.
Sizə möhkəm cansağlığı, yeni-yeni uğurlar arzulayıram, ümidvaram ki, həmkarlar ittifaqlarını bundan sonra da dəstəkləyəcəksiniz".
***
Ümumhəmkarlar İttifaqları Konfederasiyasının baş katibi Vladimir Şerbakov Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Çox hörmətli İlham Heydər oğlu.
Ümumhəmkarlar İttifaqları Konfederasiyası adından və şəxsən öz adımdan Sizi yenidən Azərbaycan Respublikasının Prezidenti seçilməyiniz münasibətilə ürəkdən təbrik edirəm.
Keçirilmiş seçkilər Azərbaycanın hərtərəfli yeniləşməsinə, milli dövlətçiliyin və vətəndaş cəmiyyətinin inkişafına, iqtisadi tərəqqinin sürətlənməsinə və sosial sabitliyin təmin olunmasına yönəlmiş siyasi kursunuzu ölkə vətəndaşlarının böyük əksəriyyətinin dəstəklədiyinin bariz sübutu oldu. Azərbaycan xalqı bundan sonra da ölkəni tərəqqi və rifah yolu ilə aparmağı yenidən Sizə – görkəmli milli liderə etibar etdi.
Müstəqil Dövlətlər Birliyi ölkələrinin həmkarlar ittifaqları təşkilatları Azərbaycanda keçirilən prezident seçkilərinin nəticələrini məmnunluq hissi ilə qarşıladılar. Onlar yaxşı bilirlər ki, Prezident kimi Siz zəhmətkeş insanların hüquq və mənafelərinin qorunmasına, sosial dialoqun möhkəmlənməsinə xüsusi diqqət yetirir, Azərbaycan Həmkarlar İttifaqları Konfederasiyasının fəaliyyətinə böyük dəstək verirsiniz. AHİK-in fevral ayında keçirilmiş V Qurultayının yekunları buna parlaq sübutdur.
Möhtərəm cənab Prezident, Ümumhəmkarlar İttifaqları Konfederasiyası və onun üzvü olan təşkilatlar bizim beynəlxalq həmkarlar təşkilatları birliyinin fəaliyyətinə qayğı və diqqətinizə, regionda sosial inteqrasiyanın aparıcı qüvvəsi kimi onun roluna verdiyiniz yüksək dəyərə görə Sizə dərin minnətdarlığını bildirir.
Çox hörmətli İlham Heydər oğlu, Sizə möhkəm cansağlığı və fəaliyyətinizdə yeni-yeni uğurlar, xoşbəxtlik, Azərbaycan xalqına isə firavanlıq arzulayıram".
***
"Qala" Yunanıstan-Azərbaycan Dostluq Cəmiyyətinin Sədri Rəşid Məmmədov Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Möhtərəm cənab Prezidentimiz.
"Qala" Yunanıstan-Azərbaycan Dostluq Cəmiyyəti 2017-ci il fevralın 13-dən etibarən Yunanıstanın Saloniki şəhərində rəsmi fəaliyyətə başlamışdır. Sizin müdrik rəhbərliyinizlə ölkə xaricində yaşayan hər bir Azərbaycan vətəndaşı öz həyatında dövlət qayğısını hiss edir. Sizin fəaliyyətiniz dünya azərbaycanlıları arasında həmrəyliyin güclənməsinə səbəb olmuş, dünyanın müxtəlif ölkələrində yaşayan soydaşlarımızı daha da ruhlandırmış, ölkəmizin milli maraqları ətrafında sıx birləşmələri üçün zəmin yaratmışdır.
Möhtərəm cənab Prezident, "Qala" Cəmiyyətinin bütün üzvləri adından aprelin 11-də keçirilmiş prezident seçkilərində qazandığınız inamlı qələbə münasibətilə Sizi təbrik edir, Yunanıstanda yaşayan həmvətənlərimizin Sizin siyasi kursunuzu daim birmənalı olaraq dəstəklədiklərini bildirmək istəyirəm".
***
Rusiya Neft-Qaz Sənayeçiləri İttifaqı Şurasının sədri Yuri Şafranik Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
Çox hörmətli İlham Heydər oğlu.
İcazə verin, Azərbaycan Respublikasının Prezidenti seçkilərində inamlı qələbəniz münasibətilə Sizə ən səmimi təbriklərimi çatdırım və dərin hörmətimi ifadə edim.
Azərbaycan xalqı 2018-ci il aprelin 11-də Sizi yenidən yekdilliklə Azərbaycan Respublikasının Prezidenti seçməklə, ölkənin sabitliyinə və inkişafına, beynəlxalq arenada nüfuz və təsirinin daha da güclənməsinə səs vermiş oldu. Zəngin çoxəsrlik tarixi olan Azərbaycan Sizin rəhbərliyinizlə daha da çiçəklənmiş, dünya birliyində layiqli yer tutan inkişaf etmiş dövlətlər sırasına daxil olmuşdur.
Ölkənizdə millətlərarası həmrəylik hökm sürür, Rusiya ilə sabit dostluq münasibətləri davam etməkdədir. Bizim neft-qaz sənayesinin tarixi kökləri Bakı və bütün Azərbaycanla sıx bağlıdır. Biz – Rusiyanın neft və qaz sənayesi sahəsinin işçiləri ölkələrimizin yanacaq energetika komplekslərinin inkişafına əvəzsiz töhfə vermiş görkəmli mütəxəssislərin əməyini yüksək dəyərləndiririk.
Əziz İlham Heydər oğlu.
İnanıram ki, əməksevər və çox istedadlı Azərbaycan xalqı Sizin rəhbərliyiniz ilə daha böyük uğurlar qazanacaqdır. Yenidən Azərbaycan Respublikasının Prezidenti seçilməyiniz münasibətilə ən səmimi təbriklərimi qəbul edin.
Sizə və ailənizə cansağlığı, səadət, Azərbaycan xalqına isə sülh və firavanlıq arzulayıram.
***
Fransanın "CIFAL" şirkətlər qrupunun prezidenti Jil Remi Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
Zati-aliləri, cənab Prezident.
Böyük səs çoxluğu ilə yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edir, Azərbaycan dövləti və xalqı naminə fəaliyyətinizdə uğurlar arzulayıram.
Azərbaycanın birinci respublikasının 100 illiyi ilə eyni vaxta təsadüf edən yeni mandatınızın Azərbaycan ilə Fransa arasında yüksək səviyyəli əlaqələrin və ikitərəfli tarixi münasibətlərin güclənməsinə yeni imkanlar açmasına çox sevinirəm.
Şirkətimizin dəstəyi ilə dörd ildir NAVAL şirkətlər qrupunun Bakı gəmiqayırma zavodu ilə "OPV 90" markalı hərbi patrul gəmilərinin inşası layihəsinin ölkələrimiz arasında strateji əməkdaşlığın və sənaye sahəsində gələcək əlaqələrin əsas istiqamətlərindən biri hesab edilməsinə şadam.
Cənab Prezident, Parisə növbəti səfəriniz zamanı Sizinlə görüşmək arzusu ilə bir daha səmimi təbriklərimi və ən dərin ehtiramımı bildirirəm.
***
Toğrul Həsənovdan, Əfrayıl Mehdiyevdən, Elvin Ağazadədən və başqaları Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
Hörmətli cənab Prezident.
"Azərbaycanda keçirilən prezident seçkilərində inamlı qələbəniz münasibətilə Sizi Albaniya, Makedoniya, Xorvatiya, Sloveniya, Serbiya, Monteneqro, Bosniya və Herseqovinada yaşayan və təhsil alan 241 azərbaycanlı gəncər adından səmimi qəlbdən təbrik edirik.
Sarsılmaz dayaqlar üzərində qurulmuş müstəqil Azərbaycanımız son illərdə öz inkişaf tempini uğurla davam etdirdi. Azərbaycan Respublikasının Prezidenti kimi ötən illər ərzində xalqımızın milli və dövlət maraqlarına söykənən düşünülmüş, məqsədyönlü, müstəqil və cəsarətli siyasi strategiyanız nəticəsində doğma Vətənimizin davamlı iqtisadi inkişafı təmin edilib, beynəlxalq aləmdə nüfuzu daha da möhkəmlənib.
Azərbaycanın daxili siyasətində gənclərə xüsusi diqqət, qayğı göstərilib və bu, hazırda dövlət siyasətinin əsas istiqamətlərindən birini təşkil edir. Azərbaycan dövləti hər bir gəncin qayğısına qalır, onun inkişafı üçün şərait yaradır və ümumilikdə gənclərin fəaliyyət və təşəbbüsləri dövlət tərəfindən tam dəstəklənir. Biz - Balkanlarda yaşayan azərbaycanlı gənclər bu diqqət və qayğını mütəmadi olaraq görürük.
Əminik ki, bu möhtəşəm uğurların davamının, eləcə də doğma Qarabağımızın tezliklə işğaldan azad edilməsinin, qaçqın və məcburi köçkünlərimizin öz yurd-yuvalarına qayıtmalarının birgə şahidi olacağıq.
Fürsətdən istifadə edib Zati-alinizi bir daha səmimi qəlbdən təbrik edir, Sizə möhkəm cansağlığı, ailə səadəti və son dərəcə məsuliyyətli ali dövləti vəzifənizdə yeni-yeni uğurlar arzulayırıq".
***
Avstraliya Azərbaycanlıları Assosiasiyasının prezidenti Mikayıl Oyta Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli cənab Prezident.
Zati-aliləri, Azərbaycan Respublikasının Prezidenti seçkilərində inamlı qələbəniz münasibətilə Sizi Avstraliya Azərbaycanlıları Assosiasiyası adından təbrik edirəm.
Sizin rəhbərliyinizlə Azərbaycan dövləti qarşısına qoyduğu bütün hədəflərə nail olub və nəticədə bu gün ölkə iqtisadi, mədəni və ictimai sahədə dinamik inkişaf edir. Sizin həm ölkə daxilində, həm də onun hüdudlarından kənarda yaşayan azərbaycanlıların rifahının yaxşılaşması üçün göstərdiyiniz davamlı səylərinizi və bu sahədəki töhfələrinizi yüksək qiymətləndiririk. Eyni zamanda, Ermənistan-Azərbaycan, Dağlıq Qarabağ münaqişəsinin həlli istiqamətindəki səylərinizi və qərarlarınızı qətiyyətlə dəstəkləyirik.
Yeni prezidentliyiniz dövründə sizə uğurlar arzulayırıq".
***
Moskva Akademik Satira Teatrının direktoru, Rusiyanın Əməkdar Mədəniyyət İşçisi Məmmədəli Ağayev, Moskva Akademik Satira Teatrının bədii rəhbəri, Rusiyanın Xalq Artisti Aleksandr Şirvindt Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli İlham Heydər oğlu.
Moskva Akademik Satira Teatrının bütün kollektivi adından Sizi yenidən Azərbaycan Respublikasının Prezidenti seçilməyiniz münasibətilə səmimi qəlbdən təbrik edir, prezidentliyiniz dövründə dostluq münasibətlərimizin davam edəcəyinə ümidvar olduğumuzu bildiririk.
Sizə ən xoş arzularımızı çatdırırıq".
***
Venesuela Bolivar Respublikasının Prezidenti Nikolas Maduro Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Aprelin 11-də prezident seçkilərinin uğurla keçirilməsi münasibətilə Azərbaycan Respublikasının qardaş xalqına Venesuela xalqı və hökuməti adından ən səmimi təbriklərimi çatdırıram.
Venesuela Bolivar Respublikasının hökuməti Azərbaycanda mövcud olan seçki sistemini yüksək qiymətləndirir və bu prosesin hörmət, sülh, harmoniya və yüksək seçici fəallığı şəraitində keçirilməsini, eləcə də yüksək səviyyədə təşkil olunmasını alqışlayır. Bütün bunlar xalqlarımızın öz hökumətlərini və ölkəni idarəetmə formasını seçmək üçün öz müqəddəratlarını və suverenliklərini təyin etmək hüquqlarından tam istifadə etməsinə zəmanət verir.
Venesuela Bolivar Respublikasının hökuməti yenidən Azərbaycan Respublikasının Prezidenti seçilmiş Zati-aliləri, cənab İlham Əliyevi təbrik edir və ölkələrimiz arasındakı dostluq münasibətlərini həm ikitərəfli əməkdaşlıq çərçivəsində, həm də xalqlarımız üçün daha bərabərhüquqlu, ədalətli və insani mühitlə təmin olunmuş çoxqütblü və çoxmərkəzli dünyanın qurulması istiqamətində bizim ölkələrimizin də daxil olduğu Qoşulmama Hərəkatının "Üçlük" qrupu çərçivəsində öz səylərini günbəgün daha da möhkəmləndirmək və inkişaf etdirmək niyyətini bildirir".
***
Monqolustan Prezidenti Xaltmaaqiyn Battulqa Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Zati-aliləri, cənab Prezident.
Böyük səs çoxluğu ilə yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm.
Növbəti dəfə Azərbaycan Prezidenti seçilməyiniz Azərbaycan xalqının Sizə olan böyük inamını və ölkənin sosial-iqtisadi inkişafına verdiyiniz töhfələri və güclü liderliyinizin nəticələrini bir daha sübut edir.
Monqolustan və Azərbaycan arasında ənənəvi dostluq əlaqələrini və bir çox sahələrdə, o cümlədən siyasət, iqtisadiyyat, kənd təsərrüfatı, mədəniyyət, təhsil və idman sahələrində mövcud olan əməkdaşlığı dinamik inkişaf etdirmək üçün ölkələrimizin böyük potensialı var.
Tam əminəm ki, qarşılıqlı səylərimiz nəticəsində ölkələrimiz arasındakı əməkdaşlıq yeni səviyyəyə yüksələcək.
Hörmətli İlham Əliyev, Sizə möhkəm cansağlığı, uğurlar və ən xoş arzularımı çatdıraraq, Sizə münasib bir vaxtda Sizi Monqolustana səfər etməyə dəvət edirəm".
***
Oman Sultanı Qabus bin Said Al Said Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə ən səmimi təbriklərimizi Zati-alinizə çatdırmaqdan məmnunluq duyuruq.
Ölkələrimiz arasında mövcud olan əlaqələri xalqlarımızın ümumi maraqları naminə daha da inkişaf etdirmək və Zati-alinizə xalqının istəklərini həyata keçirmək məqsədlərinə çatmaqda uğurlar arzulayırıq".
***
Rusiyanın "LUKOİL" şirkətinin prezidenti Vahid Ələkbərov Azərbaycan Respublikasının Prezidenti Zati-aliləri cənab İlham Əliyevə məktub ünvanlayıb.
Məktubda deyilir:
"Hörmətli İlham Heydər oğlu.
Yenidən Azərbaycan Respublikasının Prezidenti seçilməyiniz münasibətilə Sizi "LUKOİL" şirkəti adından və şəxsən öz adımdan ürəkdən təbrik edirəm.
Son illər Azərbaycan dövlətçiliyin, vətəndaş cəmiyyətinin və diversifikasiya olunmuş iqtisadiyyatın möhkəmləndirilməsi yolunda böyük nailiyyətlər əldə etmişdir. Sizin rəhbərliyiniz ilə respublikada davamlı, dinamik sosial-iqtisadi inkişafa yönəlmiş fəal islahatlar davam etdirilir. Bu quruculuq siyasətinin uğurları ölkənin indiki və gələcək tərəqqisi üçün etibarlı zəmindir. "LUKOİL"un Azərbaycandakı layihələrinə hər zaman verdiyiniz dəstəyə görə Sizə dərin minnətdarlığımı bildirirəm.
Öz tərəfimdən bir daha əmin edirəm ki, bütün öhdəliklərimizi dəqiq yerinə yetirməyə və azərbaycanlı tərəfdaşlarımızla əməkdaşlığı bundan sonra da inkişaf etdirməyə hazırıq.
Sizə bir daha dərin hörmətimi bildirir və səmimi qəlbdən cansağlığı, səadət, Azərbaycan Respublikasının rifahı naminə heç də asan olmayan fəaliyyətinizdə uğurlar və yeni-yeni nailiyyətlər arzulayıram".
***
Türkiyə-Azərbaycan Dərnəyinin (TÜRKAZDER) baş direktoru Ənvər Türkoğludan Prezident İlham Əliyevə təbrik məktubu gəlib.
Təbrikdə deyilir: "Hörmətli cənab Prezident. Aprelin 11-də son dərəcə şəffaf şəraitdə keçirilən prezident seçkilərində parlaq qələbə qazanmağınız münasibətilə Zati-alinizi və Azərbaycan xalqını təbrik edirik. Demokratiyaya güclü şəkildə bağlı olan Azərbaycan xalqı bununla tolerantlığın, sabitliyin, rifahın və inkişafın rəhni olan siyasətinizi dəstəklədiyini bir daha sübut etdi. Növbəti prezident seçkilərinin sabitlik və hüququn aliliyi çərçivəsində keçirilməsi Azərbaycanda demokratiyanın yüksək səviyyəyə çatdığını beynəlxalq ictimaiyyətə göstərdi.
Prezidentliyiniz dövründə Qarabağ münaqişəsi ilə bağlı Azərbaycanın diplomatiya və hərbi sahədə uğurlu addımları və əldə etdiyi nəticələr qədim torpaqlarımızın Ermənistanın beynəlxalq hüquqa zidd olaraq işğalından azad edilməsinin artıq daha yaxın olduğunun göstəricisidir. Dünya azərbaycanlılarının ümummilli lideri Heydər Əliyevin təməlini qoyduğu siyasətin prezidentliyiniz müddətində müvəffəqiyyətlə davam etdirilməsi Azərbaycanı yüksək zirvələrə çatdırıb. İqtisadiyyat sahəsində inkişafın davamı və Azərbaycanın bölgədə gündən-günə artan təsirini nəzərə aldıqda 11 aprel prezident seçkilərində xalqın Sizə inamı təkcə Azərbaycanımız üçün deyil, eyni zamanda, bölgəmiz üçün də böyük bir şansdır.
Çox hörmətli cənab Prezidentimiz, ortaq tarixə, mədəniyyətə, kimliyə, dilə sahib qardaş dövlət olan, ümummilli liderimiz Heydər Əliyevin "bir millət, iki dövlət" adlandırdığı Türkiyə və Azərbaycan düşünülmüş siyasətlə bütün sahələrdə qırılmaz tellərlə bir-birinə bağlanıb. Artıq Türkiyə ilə Azərbaycan arasındakı yüksək səviyyəli strateji əməkdaşlıq Cənubi Qafqazın təhlükəsizliyi və sabitliyi üçün mühüm amilə çevrilib. Prezidentliyinizin qarşıdakı dönəmində də iki qardaş ölkə arasındakı əlaqələrdə və regional siyasətdə, İnşallah, tarixi qardaşlıq bağları, strateji sərmayələr və yüksək səviyyəli siyasi münasibətlərdən aldığı ilhamla dinamik inkişafın sürətlə davam etməsinin müşahidə olunacağına şübhə yoxdur.
Biz Türkiyə-Azərbaycan Dərnəyi olaraq Azərbaycanın Sizin kimi təcrübəli, uğurlu, etibarlı və dünyanın hörmət etdiyi bir Prezidentinin olmasından qürur duyduğumuzu bildirir, seçkilərdəki qələbəniz münasibətilə Sizi ürəkdən təbrik edir, can Azərbaycanımıza salam və ehtiramımızı çatdırırıq".
***
İsveçrə Konfederasiyasının prezidenti İlham Əliyevə təbrik məktubu göndərib.
İsveçrə Konfederasiyasının prezidenti Alain Berset Azərbaycan prezidenti İlham Əliyevə təbrik məktubu göndərib.
Məktubda deyilir: "Zati-aliləri.
Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi çatdırmaqdan məmnunluq duyur və Sizinlə bu ilin yanvar ayında Davosdakı görüşümüzü məmnunluq hissi ilə xatırlayıram.
İsveçrə Federal Şurası adından Sizə Azərbaycan dövlətinin və xalqının rifahı və davamlı firavanlığı istiqamətində bütün işlərinizdə uğurlar arzulayıram.
İsveçrə ilə Azərbaycan arasında yaxşı və geniş əlaqələr mövcuddur. Mən səmimiyyətlə ümid edirəm ki, ölkələrimiz arasındakı yüksək səviyyəli münasibətlər Sizin Prezidentliyinizin yeni dönəmində də uğurla davam edəcək.
Zati-aliləri, xahiş edirəm, ən dərin ehtiramlarımı qəbul edin".
***
Belarus Prezidenti Aleksandr Lukaşenko Azərbaycan Prezidenti İlham Əliyevi seçkidə qazandığı qələbə münasibətilə təbrik edib.
Bu bardə Belarus prezidentinin mətbuat xidməti məlumat yayıb.
"Səsvermənin nəticəsi seçicilərin güclü və çiçəklənən Azərbaycanın qurulması istiqamətində aparılan ardıcıl siyasətlə yüksək həmrəyliyini təsdiq etmiş oldu. Əminəm ki, Sizin dövlət başçısı kimi məsul vəzifədəki fəaliyyətiniz bundan sonra da ölkənin iqtisadi gücünün və beynəlxalq nüfuzunun artırılmasını təmin edəcək, dost Belarus-Azərbaycan dövlətlərinin münasibətlərinin hərtərəfli inkişafına töhfə verəcək", - təbrikdə qeyd olunub.
Lukaşenko həmçinin İlham Əliyevə möhkəm can sağlığı, xoşbəxtlik, tükənməz enerji və nəzərdə tutulan planların həyata keçirilməsində uğurlar arzulayıb.
***
Ümumdünya Gömrük Təşkilatının baş katibi Kunio Mikuriyadan Azərbaycan Respublikasının Prezidenti Zati-aliləri cənab İlham Əliyevə
Hörmətli cənab Prezident,
Sizi yenidən Azərbaycan Respublikasının Prezidenti seçilməyiniz münasibətilə təbrik edir, bu mühüm dövləti vəzifənizdə Sizə böyük uğurlar və əzmkarlıq arzulayıram.
Azərbaycan Respublikası vətəndaşlarının Sizə göstərdiyi etimad ölkənizdə təhlükəsizliyin qorunub saxlanılmasında, xalqın milli birliyinin möhkəmlənməsində, başladığınız nəcib işi davam etdirməkdə Sizin üçün böyük stimul mənbəyi olacaq.
Əgər seçkilərdə ilk dəfə qalib gəlmək gələcəyə ümidlə baxmaq deməkdirsə, yenidən qələbə qazanaraq seçilmək ölkə rəhbərinin fəaliyyətinin vətəndaşlar tərəfindən yüksək qiymətləndirilməsinin və təsdiqlənməsinin bariz nümunəsidir.
Artıq bir neçə ildir ki, Azərbaycan Ümumdünya Gömrük Təşkilatının fəal üzvüdür. İnanıram ki, Sizin strateji xəttin davamlı olaraq reallaşması sayəsində Azərbaycan bu təşkilatla beynəlxalq ticarət prosedurlarının asanlaşdırılması və təhlükəsizliyinin təmin olunması sahəsində sıx əməkdaşlıq edəcək və dünya ölkələrinin bu sahədə uğur qazanmaları istiqamətində birgə səylərini davam etdirəcək.
Eyni zamanda, 2019-cu ildə Ümumdünya Gömrük Təşkilatının informasiya texnologiyaları konfransı və sərgisinin Azərbaycanda keçirilməsinə razılıq verdiyinizə görə minnətdarlığımı bildirirəm.
Azərbaycan Respublikasının Prezidenti seçkilərində inamlı qələbəniz münasibətilə Sizə bir daha səmimi təbriklərimi çatdırıram.
Cənab Prezident, Sizə olan ən xoş arzularımı və ən yüksək ehtiramımı qəbul etməyinizi rica edirəm.
***
İtaliya Respublikasının Prezidenti Sergio Mattarelladan Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Yenidən Azərbaycan Respublikasının Prezidenti seçilməyiniz münasibətilə Sizə İtaliya xalqı adından və şəxsən öz adımdan səmimi təbriklərimi və ali mandatınızın icrasında xoş arzularımı çatdırmaq istəyirəm.
Əminəm ki, beynəlxalq səviyyədə güclü tərəfdaşlıqda, eləcə də cəmiyyətlərimizin səmərəli əməkdaşlığında təzahür edən, İtaliya ilə Azərbaycan arasında gözəl münasibətlər qarşıdakı illər ərzində də siyasi, iqtisadi və mədəni sahələrdə birmənalı şəkildə inkişaf edəcək və möhkəmlənəcək.
Konstruktiv dialoqu ümumi öhdəliyimiz kimi vurğulayaraq və sülh şəraitində birgə yaşamanın qaynaqlandığı dəyərlərə riayət edərək ümumi təhlükəsizliyə olan çoxsaylı çağırışların həlli yollarını müəyyən etmək üçün birgə çalışmalıyıq.
Bu əhval-ruhiyyə ilə yaxın zamanlarda Bakıda Sizinlə görüşməyə ümid edir, Sizə cansağlığı və dost Azərbaycan xalqına rifah diləyir, bir daha ən səmimi arzularımı çatdırıram".
***
Macarıstan Respublikasının Prezidenti Yanoş Aderdən Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident.
İcazə verin, yenidən Azərbaycan Respublikasının Prezidenti seçilməyiniz və and içməyiniz münasibətilə Sizə və xalqınıza ən səmimi təbriklərimi çatdırım.
İkitərəfli əməkdaşlığımızın bütün sahələrdə daim inkişaf etməsi mənə böyük məmnunluq hissi verir. Ümid edirəm ki, əlaqələrimiz daha da dərinləşəcək, ölkələrimizin ümumi maraqlarına və xalqlarımızın rifahına yaxşı xidmət göstərəcəkdir.
Sizə ali dövləti vəzifənizdə möhkəm cansağlığı və uğurlar arzulayıram".
***
Əfqanıstan İslam Respublikasının Prezidenti Məhəmməd Əşrəf Qanidən Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Yenidən qardaş Azərbaycan dövlətinin Prezidenti seçilməyiniz münasibətilə Sizə Əfqanıstan xalqı adından ən xoş və ən səmimi təbriklərimi çatdırıram.
Xalqınızın Sizi bu ali vəzifəyə yenidən layiq görməsi xidmətlərinizə verilən yüksək qiymət və gələcək planlarınıza inamın təzahürüdür.
Zati-aliləri cənab Prezident, əminəm ki, qarşılıqlı hörmətə əsaslanan münasibətlərimiz bütün sahələrdə mövcud imkanlar baxımından genişlənəcək və güclənəcəkdir.
Bu böyük qələbə münasibətilə Sizi bir daha təbrik edir, Sizə cansağlığı, qardaş Azərbaycan xalqına əmin-amanlıq və tərəqqi arzu edirəm".
***
Yaponiyanın Baş naziri Şinzo Abedən Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Yenidən Azərbaycan Respublikasının Prezidenti seçilməyiniz münasibətilə Sizi Yaponiya hökuməti, eləcə də Yaponiya xalqı adından ürəkdən təbrik edirəm.
Azərbaycan, Qafqaz regionunun sabit inkişaf açarının sahibi olmaqla, beynəlxalq enerji təhlükəsizliyi üçün böyük rola malik ölkədir və Yaponiya üçün vacib tərəfdaşdır. Yaponiya ilə Azərbaycan bu günə qədər beynəlxalq arenada sıx əməkdaşlıq edərək, ölkələrimiz üçün əlverişli münasibətlərin qurulmasına nail olub.
Ötən il ölkələrimiz arasında diplomatik münasibətlərin qurulmasının 25-ci ildönümü qeyd edilib, hökumətlərarası dialoq başda olmaqla, yüksək səviyyəli səfərlər, parlamentlərarası və regionlarda yerli özünüidarə orqanları arasındakı mübadilələr, iqtisadi sahədəki əməkdaşlıq əlaqələri yüksək zirvəyə çatıb. Fürsətdən istifadə edib, bu ilin mart ayında Baş nazirin xarici siyasət məsələləri üzrə müşaviri Tomohiko Taniguçinin Azərbaycana səfəri zamanı Zati-aliniz tərəfindən qəbul olunduğuna görə təşəkkürümü bildirirəm.
Ölkələrimiz arasında münasibətlərin bundan sonra daha da genişlənib inkişaf etməsi üçün böyük potensiala malik olduğuna əminəm. Zati-alinizlə əməkdaşlığı davam etdirərək ölkələrimiz arasındakı bu xoş münasibətləri daha da dərinləşdirmək niyyətindəyəm.
Zati-alinizə möhkəm cansağlığı və işlərinizdə müvəffəqiyyətlər, Azərbaycan xalqına isə firavanlıq arzu edirəm".
***
Qətər Dövlətinin Baş naziri və daxili işlər naziri Abdullah bin Nasser bin Xəlifə Al Tanidən Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Yenidən Azərbaycan Respublikasının Prezidenti seçilməyiniz münasibətilə Qətər Dövlətinin hökuməti adından və şəxsən öz adımdan Sizə səmimi salamlarımızı və təbriklərimizi çatdırmaqdan şərəf hissi duyuram.
Zati-aliləri, Sizə yeni-yeni uğurlar və əmin-amanlıq, qardaş Azərbaycan xalqına isə davamlı inkişaf arzulayırıq".
***
Qətər Dövlətinin Əmiri Əlahəzrət şeyx Təmim bin Həməd Al Tanidən Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Yenidən Azərbaycan Respublikasının Prezidenti seçilməyiniz münasibətilə Qətər Dövlətinin xalqı adından və şəxsən öz adımdan Sizə səmimi təbriklərimi və salamlarımı çatdırmaqdan böyük məmnunluq və şərəf duyuram.
Bu xoş fürsətdən istifadə edərək, Zati-alinizə əmin-amanlıq və uğurlar, qardaş Azərbaycan xalqına davamlı inkişaf, ölkələrimiz arasında mövcud olan ikitərəfli münasibətlərin isə gələcək illərdə daha da möhkəmləndirilməsini arzulayıram".
***
Türkiyə Həmkarlar İttifaqları Konfederasıyasının sədri Ergün Atalaydan Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə Sizi təbrik edirəm. Seçkilərdə qazandığınız inamlı qələbə ölkənizin sosial və iqtisadi cəhətdən inkişafına və güclənməsinə yönəlmiş siyasi kursunuzun qardaş Azərbaycan xalqı tərəfindən dəstəkləndiyinin sübutudur.
Sizi Türkiyə Həmkarlar İttifaqları Konfederasıyası adından və şəxsən öz adımdan türk xalqları arasında birliyi gücləndirmək və türkdilli ölkələr arasındakı mövcud qardaşlıq münasibətlərini daha da inkişaf etdirmək üçün səylərinizi təqdirəlayiq hesab edirəm. Qardaş Azərbaycan xalqının rifahının daha da yaxşılaşması üçün həyata keçirdiyiniz siyasi kursu davam etdirəcəyinizə əminəm.
Zati-aliləri, ali dövləti fəaliyyətinizdə Sizi bir daha təbrik edir, Sizə və bütün azərbaycanlı qardaşlarıma hörmət və salamlarımı çatdırıram".
***
Qətər Dövləti Əmirinin müavini Abdullah bin Həməd Al Tanidən Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimi və salamlarımı çatdırmaqdan böyük məmnunluq hissi duyuram.
Zati-aliləri, Sizə möhkəm cansağlığı və uğurlarınızın davamlı olmasını, qardaş Azərbaycan xalqına isə daha sürətli inkişaf arzulayıram".
***
Türk Dünyası Araşdırmalar Fondunun baş direktoru Közhan Yazqandan Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə Sizi Türk Dünyası Araşdırmalar Fondu adından və şəxsən öz adımdan səmimi qəlbdən təbrik edirəm. Bizim fondun Azərbaycanda təhsil sahəsində gördüyü işlərə verdiyiniz dəstəyə görə Sizə minnətdarıq. Azərbaycanı türk dünyasında və beynəlxalq aləmdə inkişaf etmiş nüfuzlu dövlətə çevirmək üçün həyata keçirdiyiniz uğurlu fəaliyyətiniz və liderliyiniz bizim qürur mənbəyimizdir.
Yenidən Azərbaycan Respublikasının Prezidenti seçilməyiniz bizi hədsiz dərəcədə sevindirib. Zati-alinizi bu münasibətlə bir daha təbrik edir, ali dövləti fəaliyyətinizdə yeni-yeni uğurlar diləyirik".
***
Belqraddakı Azərbaycan Mədəniyyət Mərkəzinin sədri, professor Zərifə Əlizadədən Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident,
Azərbaycanda keçirilən prezident seçkilərində qətiyyətli qələbəniz münasibətilə Sizi Belqrad şəhərindəki Azərbaycan Mədəniyyət Mərkəzinin çoxsaylı üzvləri adından səmimi qəlbdən təbrik edirik.
Sizin həyata keçirdiyiniz siyasət nəticəsində doğma Azərbaycanımız dövlət quruculuğu, sabit və dayanıqlı inkişaf, eləcə də beynəlxalq əməkdaşlıq sahələrində böyük uğurlar qazanmışdır. Dünyanın bir çox regionlarında gərginliyin artdığı, müxtəlif mədəniyyətlər arasında ziddiyyətlərin gücləndiyi bir dövrdə dövlətimiz nəinki yerləşdiyi mürəkkəb regionda öz təhlükəsizliyini və daxili sabitliyini təmin edə bilir, həmçinin dünyada sülhün, təhlükəsizliyin, əməkdaşlığın və sivilizasiyalar arasında dialoqun genişləndirilməsi prosesinə öz dəyərli töhfələrini verir, regional əhəmiyyətli böyük enerji və infrastruktur layihələrini reallaşdırır.
Azərbaycanın Qərb və Şərq mədəniyyətləri arasında tarixən oynadığı körpü rolunu bu gün də öz xarici siyasətində uğurla davam etdirməsi, Avropa, İslam dünyası, eləcə də qlobal səviyyədə dialoq və əməkdaşlığa xidmət edən beynəlxalq tədbirləri uğurla reallaşdırması, dünyanın müxtəlif ölkələri ilə qarşılıqlı inama söykənən əməkdaşlıq əlaqələrinin qurulması onun beynəlxalq aləmdə daha yaxından tanınmasına, dost və tərəfdaşlarımızın artmasına səbəb olmuşdur.
Zati-aliləri, yaranmış imkandan istifadə edərək Azərbaycan Respublikasının Prezidenti seçilməyiniz münasibətilə Sizi bir daha təbrik edir, Sizə möhkəm cansağlığı və bu ali dövləti vəzifənizdə uğurlar arzulayırıq".
***
Rusiya Federasiyası Perm vilayətinin Solikamsk şəhərindəki Azərbaycan diasporunun sədri Uğur Əfəndiyevdən Azərbaycan Respublikasının Prezidenti Zati-aliləri cənab İlham Əliyevə
"Möhtərəm cənab Prezident.
Ölkəmizdə keçirilən prezident seçkilərində qazandığınız möhtəşəm və tarixi qələbəniz münasibətilə Sizi Solikamsk şəhərindəki Azərbaycan diaspor təşkilatı adından və şəxsən öz adımdan səmimi qəlbdən təbrik edirəm.
Birliyimizin və həmrəyliyimizin əsasında Azərbaycan Respublikasının müstəqilliyi dayanır. Bu müstəqilliyin qorunması, inkişafı və dünya birliyində ölkəmizin mövqeyinin möhkəmləndirilməsi naminə ali dövləti fəaliyyətinizdə Sizə uğurlar və möhkəm cansağlığı arzulayırıq.
Əminəm ki, Azərbaycan hər zaman Sizin rəhbərliyinizlə tərəqqi, quruculuq, sabitlik və müasirlik timsalı olacaqdır. Azərbaycan Sizinlə güclü, Sizinlə qüdrətlidir. Respublikamızda sabitliyin davamlı olması naminə Sizə tükənməz enerji və məqsədyönlü işlərinizdə yeni-yeni uğurlar diləyirəm".
***
Haaqadakı "Ana Vətən" Niderland Azərbaycanlı Qadınlar Birliyinin sədri Mayisə Ağamirzəyevadan Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Sizi Azərbaycan Respublikasının Prezidenti seçkilərində qazandığınız qələbə münasibətilə "Ana Vətən" Niderland Azərbaycanlı Qadınlar Birliyi, onun tərkibində fəaliyyət göstərən Nizami Gəncəvi adına Haaqa həftəsonu Azərbaycan dili məktəbinin şagirdləri adından və şəxsən öz adımdan ürəkdən təbrik edirəm.
Hörmətli Prezident, inanırıq ki, Azərbaycanımızın yüksəlişi üçün gördüyünüz böyük işlər bundan sonra da davam edəcək və ölkəmiz beynəlxalq aləmdə daim inkişaf etmiş bir ölkə olaraq tanınacaqdır. Biz – Hollandiyada yaşayan azərbaycanlı qadınlar həmişə Sizin siyasətinizi dəstəkləmişik və bundan sonra da dəstəkləyəcəyik".
***
Beynəlxalq Güləş Federasiyasının sabiq prezidenti Rafael Martinettidən Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm.
Seçkilərdəki parlaq qələbəniz ölkənizi inkişaf etdirmək və Azərbaycan vətəndaşlarının rifahını yaxşılaşdırmaq istiqamətində gördüyünüz işlərə xalqınızın inam və etibarının təcəssümüdür.
Beynəlxalq Güləş Federasiyasının prezidenti vəzifəsində çalışarkən mən sizin güləşə və ümumilikdə idmana olan güclü dəstəyinizin şəxsən dəfələrlə şahidi oldum.
Zati-aliləri, Sizə möhkəm cansağlığı, ailənizə xoşbəxtlik, Azərbaycan xalqına isə firavanlıq diləyirəm".
***
Dialoq və Əməkdaşlıq Uğrunda İslam Konfransı Gənclər Forumunun sədri Elşad İsgəndərovdan Azərbaycan Respublikasının Prezidenti Zati-aliləri cənab İlham Əliyevə
"Zati-aliləri,
Azərbaycan Respublikasının Prezidenti seçkilərində layiqli qələbəniz münasibətilə Sizi İslam Əməkdaşlıq Təşkilatının filialı olan Dialoq və Əməkdaşlıq uğrunda İslam Konfransı Gənclər Forumunun idarə heyəti, katibliyi və üzv ölkələri adından səmimi qəlbdən təbrik edir və yeni prezidentliyiniz dövründə Sizə yeni-yeni uğurlar arzulayıram.
Sizin səriştəli rəhbərliyiniz sayəsində Azərbaycan bu gün təkcə İslam Əməkdaşlıq Təşkilatı ölkələri arasında deyil, həm də dünyada nüfuz sahibi olan ölkələrdən birinə çevrilib. Böyük səs çoxluğu ilə qazandığınız qələbə Azərbaycan xalqının ölkədə uğurla həyata keçirilən sabitlik, təhlükəsizlik və inkişaf yönümlü siyasətə bəslədiyi etimadın və güclü dəstəyin bariz nümunəsidir. Əminik ki, növbəti yeddi ildə də Azərbaycan Respublikası Sizin müdrik siyasətiniz sayəsində indiki inkişaf tempini qoruyub saxlayacaq, gündəlikdə duran bütün məsələlərin, o cümlədən Ermənistan-Azərbaycan, Dağlıq Qarabağ münaqişəsinin ədalətli həllinə nail olacaq.
Biz Sizin bütün dünyada gənclərin maraqları naminə İslam Əməkdaşlıq Təşkilatının gənclər strategiyasını həyata keçirən Dialoq və Əməkdaşlıq uğrunda İslam Konfransı Gənclər Forumunun möhkəmləndirilməsinə və inkişaf etdirilməsinə göstərdiyiniz davamlı dəstəyə görə dərin minnətdarlığımızı bildiririk. Həmçinin Azərbaycan Respublikasının milli maraqlarına xidmət edərək "Xocalıya ədalət!" beynəlxalq kampaniyası çərçivəsində keçirilən tədbirlərdə də əməkdaşlığı davam etdirmək niyyətindəyik.
Zati-aliləri, Sizə Azərbaycan xalqının firavanlığı və ölkəmizin tərəqqisi naminə gələcək fəaliyyətinizdə uğurlar arzulayır, ən yüksək ehtiramımızı qəbul etməyinizi xahiş edirik".
***
Gürcüstanın Bolnisi şəhər merinin müavini Lonqinoz Həsənovdan Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident İlham Əliyev.
Sizi yenidən Azərbaycan Respublikasının Prezidenti seçilməyiniz münasibətilə Gürcüstanın Bolnisi şəhər rəhbərliyi və burada yaşayan azərbaycanlılar adından səmimi qəlbdən təbrik edirik.
Sizə möhkəm cansağlığı, uzun ömür, Gürcüstan-Azərbaycan dostluğu naminə uğurlar diləyirik".
***
Qırğız Xalq Assambleyasının "Azəri" İctimai Birliyinin prezidenti, Qırğız Respublikasının əməkdar hüquqşünası Əzizağa Əliyevdən Azərbaycan Respublikasının Prezidenti Zati-aliləri cənab İlham Əliyevə
"Möhtərəm cənab Prezidentimiz.
Zati-alinizin yenidən Azərbaycan Prezidenti seçilməsinə qəlbən sevinir və Qırğız Xalq Assambleyasının "Azəri" İctimai Birliyi və qardaş ölkədə yaşayan çoxsaylı soydaşlarımız adından Sizə səmimi təbriklərimizi çatdırırıq.
Siz, eyni zamanda, bütün dünya azərbaycanlılarının Prezidentisiniz.
Həyata keçirdiyiniz dövlətçilik siyasəti Azərbaycanımızın müstəqilliyinin möhkəmləndirilməsini, hərtərəfli inkişafını və beynəlxalq aləmdə mövqeyinin getdikcə yüksəlməsini təmin etdikcə, doğma Vətənimizlə daha çox qürur duyuruq.
Əziz Prezidentimiz,
Ali Baş Komandanı olduğunuz Azərbaycan Silahlı Qüvvələrinin Vətən torpaqlarını işğalçılardan azad edəcəyi günün yaxınlaşdığına əminik və Qarabağda keçirəcəyimiz qələbə bayramını səbirsizliklə gözləyirik.
Zati-alinizə uzun ömür, cansağlığı, səadət və ali dövləti vəzifənizdə bundan sonra da böyük uğurlar arzulayırıq".
***
Azərbaycan Respublikasının Almaniyada yaşayan Əməkdar Artisti, bəstəkar və orqan ifaçısı, beynəlxalq müsabiqələr laureatı Arif Mirzəyevdən Azərbaycan Respublikasının Prezidenti Zati-aliləri cənab İlham Əliyevə
"Çox hörmətli və dəyərli Prezidentimiz.
Azərbaycan Respublikasının Prezidenti seçkilərində qazandığınız möhtəşəm qələbə münasibətilə Sizə ən səmimi təbriklərimi çatdırıram.
Mübaliğəsiz deyə bilərəm ki, 2018-ci il aprel ayının 11-i həyatımın ən xoşbəxt günlərindən biri oldu. Prezident seçkilərində azərbaycanlıların və respublikamızda yaşayan digər millətlərdən olan vətəndaşların etimadı nəticəsində Sizə verilmiş fantastik səs faizi (86,02) tamamilə nadir bir haldır. Mən digər ölkələrdəki prezident seçkiləri prosesində xalqın belə yekdilliyini görmədim.
Keçirilmiş seçkilərin yekunu fenomenal oldu: Azərbaycan xalqı ötən üç dönəm – 15 il ərzində görkəmli siyasi xadim kimi məhz Sizi bu ali vəzifəyə yenidən layiq görüb. Hər kəsə aydın oldu ki, ölkəyə rəhbərlik etdiyiniz illər ərzində Siz dünya siyasətinin dahisi, ulu öndər Heydər Əliyevin qurduğu bünövrə üzərində tamamilə yeni, nadir, müasir və çoxşaxəli, modern iqtisadiyyatı olan müstəqil dövlət yaratmağa müvəffəq oldunuz. Ənənəvi neft və qaz sahəsindən əlavə, digər istehsal sahələrinə aid yeni zavod və fabriklər inşa edildi. Yüngül sənaye və kənd təsərrüfatı daha tutumlu oldu. Avtomobil və dəmir yollarının yüksək inkişaf səviyyəsi heyrətamizdir.
Azərbaycandan Türkiyəyə Bakı-Tbilisi-Qars dəmir yolu layihəsinin gerçəkləşdirilməsinin böyük əhəmiyyətini xüsusilə qeyd etmək lazımdır. Son layihənin həyata keçirilməsi bütün Avropanı heyran edib. Çünki bu layihə Cənubi Asiya regionu ölkələrini bütün Qərbi Avropa ilə birləşdirir. Lap bu yaxınlarda isə qonşu İran istiqamətində Astara-Rəşt dəmir yolunun tikintisinə başlanılmışdır ki, heç bunu ağlımızdan keçirə bilməzdik.
Mən hələ bizim möhtəşəm qaz layihəmiz TANAP-dan danışmıram: Bakıdan bizim qazın Avropa ölkələri üçün Gürcüstan, Türkiyə və Yunanıstan vasitəsilə İtaliyanın cənubuna nəqli Azərbaycan xəzinəsinə milyonlarla avro/dollar gətirəcəkdir. Heç şübhəsiz, milli uğurlar sırasında onu da qeyd etmək lazımdır ki, Siz ən güclü Azərbaycan Ordusunu yaratmısınız və bu Ordu erməni işğalçılarını bizim doğma torpaqlardan birdəfəlik çıxarmağa qadirdir. Bunu Sizdən savayı heç kim edə bilməzdi, əziz Prezidentimiz. Məhz bu səbəbdən Sizin yenidən dövlət başçısı seçilməyiniz daha 7 il müddətinə sabitliyin və inkişafın etibarlı təminatıdır.
Hörmətli cənab Prezident, Vətəndən uzaqlarda yaşasam da Azərbaycanımızın inkişafını və Sizin çoxşaxəli fəaliyyətinizi daim izləyir və bundan qürur duyuram. Sizə möhkəm cansağlığı, ali dövləti fəaliyyətinizdə uğurlar diləyirəm".
***
Amerika Birləşmiş Ştatlarında Sizin sadiq dostunuz, aktyor və rejissor Stiven Siqaldan Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident.
Yenidən Prezident seçilməyiniz münasibətilə Sizi təbrik edirəm.
Siz böyük xalqın həqiqətən dahi liderisiniz. İnanıram ki, Tanrının izni ilə mənə tezliklə Sizinlə yenidən görüşmək nəsib olacaq".
***
Koreya Xalq Demokratik Respublikasının Ali Xalq Məclisi Rəyasət Heyətinin sədri Kim En Namdan Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirəm.
Bu xoş fürsətdən istifadə edərək, ölkələrimiz arasında dostluq və əməkdaşlıq münasibətlərinin birgə mənafeyimizə müvafiq olaraq möhkəmlənəcəyinə və inkişaf edəcəyinə əminliyimi bildirirəm. Sizə ölkənizin tərəqqisinə və xalqın rifahına yönələn fəaliyyətinizdə böyük uğurlar arzu edirəm".
***
Birləşmiş Ukrayna Azərbaycanlıları Konqresinin sədri, Ukrayna Millətlər Assambleyasının rəhbəri Rövşən Tağıyevdən Azərbaycan Respublikasının Prezidenti Zati-aliləri cənab İlham Əliyevə
"Möhtərəm cənab Prezident.
Birləşmiş Ukrayna Azərbaycanlıları Konqresi və Ukrayna Millətlər Assambleyası adından Sizi yenidən Azərbaycan Respublikasının Prezidenti seçilməyiniz münasibətilə səmimi qəlbdən təbrik edir, gələcək işlərinizdə uğurlar arzulayırıq.
Sizin xalqımızın yüksək etimadını qazanaraq prezident seçilməyiniz Ukraynada yaşayan 500 mindən çox azərbaycanlının böyük sevincinə səbəb olmuşdur. Aprelin 11-də keçirilmiş prezident seçkilərində qazandığınız parlaq qələbə ulu öndərimiz Heydər Əliyevin siyasi kursunu uğurla davam etdirməyinizin məntiqi nəticəsidir. Qürurla qeyd etmək istəyirik ki, Sizin rəhbərliyinizlə doğma Azərbaycanımız inkişaf edərək dünyanın aparıcı ölkələri arasında öz layiqli yerini tutmuşdur. Dünyanın müxtəlif ölkələrində yaşayan 10 milyonlarla azərbaycanlı bu gün inkişaf və intibah tarixini yaşayan müstəqil dövlətimizlə fəxr edir, bu yolda Sizin yürütdüyünüz uğurlu siyasəti tam dəstəkləyir. Bu şərəfli və məsuliyyətli işinizdə Sizə böyük uğurlar və yeni-yeni nailiyyətlər diləyir, Sizə və ailə üzvlərinizə möhkəm cansağlığı və səadət arzulayırıq.
Möhtərəm Prezident, Sizi əmin etmək istəyirik ki, Ukraynada yaşayan hər bir soydaşımız özünü müstəqil dövlətimizin sıravi əsgəri hesab edir, istənilən vaxt Sizin çağırışınıza qoşularaq işğal altındakı torpaqlarımızın düşmən tapdağından azad edilməsinə hazır olduğunu bildirir. İnanırıq ki, Sizin rəhbərliyinizlə ölkəmiz daha böyük inkişaf yolu keçəcək, tezliklə Azərbaycanın ərazi bütövlüyü bərpa olunacaqdır".
***
Türkiyənin "TEKFEN İnşaat" şirkətinin prezidenti Levent Kafkaslıdan Azərbaycan Respublikasının Prezidenti Zati-aliləri cənab İlham Əliyevə
"Möhtərəm cənab Prezident.
Azərbaycan Respublikasının Prezidenti seçkilərində inamlı qələbəniz münasibətilə Sizə "TEKFEN İnşaat" şirkəti adından və şəxsən öz adımdan ən xoş arzularımı və təbriklərimi çatdırmaqdan böyük məmnunluq hissi duyuram.
Bu qələbə Azərbaycan xalqının Zati-alinizə bəslədiyi sonsuz etimadın göstəricisidir. Azərbaycan xalqı bir daha sabitliyə, inkişafa, tərəqqiyə, müstəqil siyasətinizə səs verərək azad və demokratik Azərbaycan Respublikasının xoşbəxt və firavan gələcəyini təmin etdi.
Sizin siyasətiniz nəticəsində uğurla inkişaf edən, ildən-ilə müasirləşən, beynəlxalq nüfuzunu gündən-günə artıran, xarici sərmayələr üçün açıq olan Azərbaycan Respublikasında nümunəvi sabitlik şəraitində 23 ildən artıq bir müddətdə irimiqyaslı layihələr həyata keçirməkdən qürur duyan bir şirkət kimi gələcəkdə də dost və qardaş Azərbaycanın inkişafına xidmət etməyə hazır olduğumuzu bildiririk.
Möhtərəm cənab Prezident, Sizi yenidən ali dövləti vəzifəyə seçilməyiniz münasibətilə bir daha təbrik edir, Sizə və ailənizə möhkəm cansağlığı, xoşbəxtlik, Azərbaycan xalqının əmin-amanlığı, tərəqqisi, rifahı naminə qarşıya qoyduğunuz məqsədlərə nail olmaq yolunda böyük uğurlar və əzmkarlıq arzulayıram".
***
Gürcüstanın Qardabani Bələdiyyəsinin "Dostluq Mərkəzi"nin direktoru Etibar Nəbiyevdən Azərbaycan Respublikasının Prezidenti Zati-aliləri cənab İlham Əliyevə
"Hörmətli İlham Heydər oğlu.
Azərbaycan Respublikasının Prezidenti seçkilərində parlaq qələbəniz münasibətilə Sizi Gürcüstanın Qardabani Bələdiyyəsinin "Dostluq Mərkəzi"nin kollektivi adından və şəxsən öz adımdan səmimi qəlbdən təbrik edirəm.
Sizə möhkəm cansağlığı, ali dövləti vəzifənizdə yeni-yeni uğurlar arzulayıram".
***
Serbiya Kral Akademiyası Şurasının üzvləri adından Azərbaycan Respublikasının Prezidenti Zati-aliləri cənab İlham Əliyevə
"Zati-aliləri.
Bu yaxınlarda keçirilən prezident seçkilərində parlaq qələbəniz münasibətilə ən səmimi təbriklərimizi qəbul edin. Seçkilərin nəticələri göstərdi ki, Azərbaycan xalqı ölkənin hansı yolla gedəcəyinə və bu yolda ona kimin rəhbərlik edəcəyinə əmindir.
Əminik ki, Sizin ölkəniz bundan sonra da uğurla inkişaf edəcək, vətəndaşlarınız sülh və əmin-amanlıq şəraitində yaşayacaqlar.
Bizim Akademiya hər zaman Sizinlə olacaq, ölkələrimiz arasında əməkdaşlığın vətəndaşlarımızın rifahı naminə gündən-günə möhkəmlənməsinə səy göstərəcək.
Möhtərəm cənab Prezident, Tanrı Sizi qorusun, Sizə möhkəm cansağlığı, səadət və firavanlıq nəsib etsin".
***
Moldova Azərbaycanlıları Konqresinin sədri Vüqar Novruzovdan Azərbaycan Respublikasının Prezidenti Zati-aliləri cənab İlham Əliyevə
"Çox hörmətli cənab Prezident.
Ümumxalq etimadını qazanaraq yenidən Azərbaycan Respublikasının Prezidenti seçilməyiniz münasibətilə Sizi Moldova Azərbaycanlıları Konqresi adından və şəxsən öz adımdan səmimi qəlbdən təbrik edirəm.
Sizin bu parlaq qələbəniz ümummilli liderimiz Heydər Əliyevin azərbaycançılıq məfkurəsinin təntənəsi, doğma Azərbaycanımızın yekdilliyinin təcəssümü olmaqla, eyni zamanda, beynəlxalq səviyyədə siyasi nüfuzunuzun sübutudur.
Əminik ki, ümummilli dəyərlərimizə xidmət edən fəaliyyətinizlə doğma Vətənimizin ərazi bütövlüyünün tam bərpasına nail olacaq, yeni-yeni uğurlarınızla bizi daha da sevindirəcəksiniz.
Cənab Prezident, Moldovada yaşayan azərbaycanlılar adından Sizi bir daha ürəkdən təbrik edirəm".
***
Azərbaycan–Niderland “Odlar yurdu” Cəmiyyətinin sədri Firəngiz Bağırovadan Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə Sizi ürəkdən təbrik edirəm. Sizə prezidentliyinizin yeni dönəmində uğurlar arzulayıram.
Sizin yürütdüyünüz siyasət sayəsində Azərbaycan dövləti yeni inkişaf səviyyəsinə yüksəlib. İnanıram ki, tez bir zamanda Azərbaycanın ərazi bütövlüyünün bərpa edilməsinə də nail olacaqsınız. Xaricdə yaşayan bir azərbaycanlı kimi mən və rəhbərlik etdiyim Azərbaycan–Niderland “Odlar yurdu” cəmiyyətinin üzvləri Sizi dəstəkləyir və inanırıq ki, Azərbaycanın sosial, iqtisadi, maliyyə, hərbi, müdafiə və digər sahələrdə inkişafı naminə fəaliyyətinizi uğurla davam etdirəcəksiniz.
Möhtərəm cənab Prezident, Sizə yeni-yeni müvəffəqiyyətlər arzulayıram".
***
Türkiyə Respublikasının Mersin Böyükşəhər Bələdiyyəsinin sədri Burhanəddin Kocamazdan Azərbaycan Respublikasının Prezidenti Zati-aliləri cənab İlham Əliyevə
"Hörmətli cənab Prezident İlham Əliyev.
Yenidən Azərbaycan Respublikasının Prezidenti seçilməyiniz münasibətilə Sizi səmimi qəlbdən təbrik edirik.
Bundan sonrakı dövrdə də ölkələrimiz arasında əlaqələrin daha da inkişaf edəcəyi inamı ilə dərin ehtiramımı çatdırıram".
***
“Rus mis şirkəti” Səhmdar Cəmiyyətinin birinci vitse-prezidenti Oleq Siyenkodan Azərbaycan Respublikasının Prezidenti Zati-aliləri cənab İlham Əliyevə
"Hörmətli İlham Heydər oğlu.
İcazə verin, Sizi yenidən Azərbaycan Respublikasının Prezidenti seçilməyiniz və ali dövləti vəzifənizin icrasına başlamağınız münasibətilə təbrik edim.
Prezident seçkilərində inamlı qələbəniz Sizin yürütdüyünüz siyasəti Azərbaycan xalqının dəstəklədiyini təsdiq edir.
Sizə səmimi qəlbdən möhkəm cansağlığı, tükənməz enerji və Azərbaycan xalqının rifahı naminə ali dövləti fəaliyyətinizdə böyük uğurlar arzulayıram".
***
Bolqarıstan-Azərbaycan Ticarət və Sənaye Palatasının sədri Dimitar Bratanovdan Azərbaycan Respublikasının Prezidenti Zati-aliləri cənab İlham Əliyevə
"Zati-aliləri, hörmətli cənab Prezident.
Yenidən Azərbaycan Respublikasının Prezidenti seçilməyiniz münasibətilə Sizə ən səmimi təbriklərimlə yanaşı, Zati-alinizə möhkəm cansağlığı və uğurlar, qardaş xalqınıza isə rifah və tərəqqi arzularımı çatdırmaqdan məmnunluq duyuram.
Bolqarıstan-Azərbaycan Ticarət və Sənaye Palatasının üzvləri adından Sizi əmin edirəm ki, ikitərəfli əməkdaşlığımızı möhkəmləndirmək və ölkələrimiz arasında işgüzar münasibətlərin inkişafı üçün əlverişli şərait yaratmaq istiqamətində səylərimizi bundan sonra da davam etdirəcəyik".
***
Laos Xalq Demokratik Respublikasının Prezidenti Bounyanq Voraçitdən Azərbaycan Respublikasının Prezidenti Zati-aliləri cənab İlham Əliyevə
"Zati aliləri,
Yenidən Azərbaycan Respublikasının Prezidenti seçilməyiniz münasibətilə Sizə Laos xalqı adından və şəxsən öz adımdan ən səmimi təbriklərimi çatdırıram və Zati-alinizə, möhkəm cansağlığı, xoş günlər və ölkənizi tərəqqiyə aparan yolda uğurlarınızın davamlı olmasını arzulayıram.
İnanıram ki, Laos Xalq Demokratik Respublikası ilə Azərbaycan arasında mövcud olan ikitərəfli münasibətlərimiz və əməkdaşlığımız ölkələrimizin mənafeyi naminə, eləcə də davamlı inkişafın təmin olunması məqsədilə sülhə və beynəlxalq əməkdaşlığa nail olmaq üçün bundan sonra da genişlənəcək və möhkəmlənəcək.
Zati-aliləri, Sizə olan ən dərin ehtiramımı qəbul etməyinizi xahiş edirəm".
