Nardaranda silah saxlayana - 1 il 9 ay cəza

Bu gün Sabunçu rayon Məhkəməsində Nardaran hadisələri ilə bağlı həbs olunan Fail Şahbazova hökm oxunub.

Teleqraf.com xəbər verir ki, hökmə əsasən, Fail Şahbazova 1 il 9 ay həbs cəzası verilib.

İttihama görə, Fail Şahbazovun silah gizlətməsi haqda məlumat daxil olub. Nardaran qəsəbəsində bağlar ərazisində keçirilən baxış nəticəsində palma ağacının altında qara sellofanda bükülü vəziyyətdə 1 ədəd nömrəsi silinmiş, lüləsi və qundağı kəsilmiş ov tüfəngi və 1 ədəd "F-1" qumbarası aşkar olunub.

Fail Şahbazovun atası və 2 qardaşı 2015-ci il noyabrın 26-da keçirilən polis əməliyyatından bir neçə gün sonra həbs olunub.