“Mövsümün ən yaxşı xor artisti” - Mükafatlandırma

Musiqili Teatrda mövsümün ən yaxşı sənətçiləri mükafatlandırılacaq.

Teatrdan Teleqraf.com-a verilən məlumata görə, 106-cı mövsümün yekunlaşması ilə əlaqədar iyulun 4-də sənət ocağında mükafatlandırma mərasimi olacaq.

“Mövsümün ən yaxşı aktrisası”, “Mövsümün ən yaxşı aktyoru”, “Mövsümün debütü”, “Mövsümün perspektivli aktrisası”, “Mövsümün perspektivli aktyoru”, “Mövsümün ən məhsuldar aktyoru”, “Mövsümün sevilən aktrisası”, “Mövsüm ərzində bərpa tamaşasında ən yaxşı rol ifaçısı”, “Mövsümün ən yaxşı musiqiçisi - orkestr artisti”, “Mövsümün ən yaxşı xor artisti”, “Mövsümün ən yaxşı balet artisti”, “Mövsümün ən yaxşı texniki işçisi”, “Mövsümün ən işgüzar əməkdaşı” nominasiyaları üzrə qaliblərlə yanaşı, “Mövsümün ən yaxşı tamaşası” da mükafatlandırılacaq.

Qaliblərə xüsusi prizlər və mükafatlar veriləcək.

Nərmin