“Maşın” Şounun 15-ci sürəti başlayır – Eksklüziv

“Maşın” realiti şou 15-ci dəfə ekranlara çıxacaq.

Bu barədə Teleqraf.com-a “Maşın” realiti şounun istehsalçı şirkəti olan M Qrup Prodakşnın baş prodüseri və “Maşın” Şounun layihə rəhbəri Toğrul Məmmədov açıqlama verib.

Toğrul bəy bildirib ki, bu dəfə ulduzların tamamilə yeni bir üslubda növbəti qarşıdurması gözlənilir:

“Biz 15-ci “Maşın” Şounun hazırlıqlarına başlamışıq. Bu, yubiley şousu olacaq. Yenə də ATV telekanalı ilə əməkdaşlıq etməyi planlaşdırırıq. İştirakçılarımız yenə də ulduzlardan ibarət olacaq. Tamaşaçılar bu dəfə yarışmada müxtəlif kino və şou-biznes ulduzlarını, televiziya aparıcıları və media işçilərini, tanınmış idmançıları görəcəklər”.

Toğrul bəy qeyd edib ki, şounun aparıcısı, əməkdar artist Murad Dadaşovla birgə ciddi iş rejimi ilə yayıma hazırlaşırlar:

“Dəhşətli bir şou hazırlayırıq. İnsanlar bu dəfə tam fərqli bir realiti şou görəcəklər. Qalan detallar hələ ki, sirr olaraq qalsa, yaxşı olar. Qoy sürpriz olsun!”

Qeyd edək ki, bu il mayın 28-də başlayan “Maşın-14” iyunun 15-də final gecəsini yaşamışdı. Maşını isə aktyor İslam Mehrəliyev qazanmışdı.