Gənc astrofiziklərin seminarı başa çatdı

Düşənbədə Rusiya və Tacikistan Elmlər akademiyalarının təşəbbüsü, Humanitar Əməkdaşlıq üzrə Dövlətlərarası Fondun dəstəyi ilə keçirilən MDB gənc astrofiziklərinin elmi seminarı başa çatıb.

Səkkiz gün ərzində Azərbaycan, Tacikistan, Rusiya, Belarus, Qazaxıstan, Qırğızıstan, Ukrayna, Moldova və MDB-nin digər ölkələrinin elm və təhsil müəssisələrinin gənc mütəxəssisləri və doktorantları nüvə fizikası, astronomiya, elektronika, astrofizika, informasiya-kommunikasiya texnologiyaları, bərpa olunan enerji mənbələri və digər mövzularda elmi məruzələr dinləyiblər.

Gənc alimlər Beynəlxalq Elmi-Tədqiqat Mərkəzində praktik məşğələlərdə də iştirak ediblər. Tacikistan Elmlər Akademiyasında keçirilən seminarda isə bir qrup gənc mütəxəssisə və doktoranta bu elmi ekspedisiyada fəal iştirak etdiklərinə görə sertifikatlar təqdim edilib.