Treyleri rekord sayda izlənən film Bakıda

“CinemaPlus” dəb aləmindən bəhs edən “Nümunəvi erkək 2” yeni ulduzlu komediya filminin nümayişinə başlayıb.

Kinoteatrdan Teleqraf.com-a verilən məlumata görə, “Nümunəvi erkək 2” filminin treyleri izlənmə sayına görə rekord vurub. Və bütün zamanların ən məşhur komediya treyleri elan edilib.
Filmin rejissoru, ssenaristi Ben Stillerdir. Filmdə onunla bərabər Ouen Uilson, Penelopa Krus, Kristen Uiq və Uill Ferrel, dizaynerlər Tom Ford, Tommi Hilfiger, Karl Lagerfeld, Viktoriya Bekhem, supermodellər Haydi Klum və Klaudiya Şiffer də çəkilib. Ben Stiller filmdə oynamaq üçün müğənni Castin Biberi də razı salıb.

Dünyanı məşhurların qətllər dalğası bürüyüb. Dəbdəbəli polis xüsusi agenti Qrosso Montana kömək üçün bir vaxtların ən yaxşılardan olan kişi-model Derek Zulanderə müraciət edir. Görəsən indi o, əzəli dostu Hanselin dəstəsində olaraq baş verən cinayəti dayandıra və təntənəli formada dünya podiumuna qayıda biləcəkmi?

Nərmin