“Azanfilm” təəssüflə bildirir ki...

“Azanfilm” cizgi filmləri studiyası animasiya sahəsində elan etdiyi vakansiyaların nəticələrini açıqlayıb.

Studiyadan Teleqraf.com-a verilən məlumata görə, ümumilikdə “Azanfilm”ə elanla əlaqədar 36 ərizə daxil olub. Bütün müraciətlər yerli və xarici mütəxəssislərin iştirakı ilə keçirilmiş baxışlar zamanı qiymətləndirilib.

“Azanfilm” təəssüf hissi ilə bildirir ki, studiyanın gözləntilərini qarşılayan işlər təqdim olunmayıb.
Mahir Qafarov və Kənan Dəqhani mütəxəssislərin diqqətini öz peşəkarlığı ilə cəlb edib. Sultan Abbasbəyli, Ramin Babayev, Elməddin Xəlilov, Tural Məmmədzadə, Orxan Şərifov, Oqtay Nəsirov, Nəsir Muradov, Vüsal Namazlı, Tahir Abdullayev, Amil Quliyev, Famil Əsədov, Cavid Əbdülrəhmanın ümüdverici işlər təqdim etdiyini nəzərə alaraq, “Azanfilm” studiyası peşəkarlıqlarını artırmaqda onlara dəstək olacaq və onlarla əməkdaşlıq edəcək.

Məktəbli Mədinə Əliyeva təqdim etdiyi 2D animasiya filminə görə həvəsləndirici diplom ilə təltif olunacaq.

Nərmin