Hindistanda bina çökdü: 5 ölü

Bu gün səhər Hindistanın Maxaraştra əyalətindəki Bxivandi şəhərində üçmərtəbəli bina çöküb.

APA-nın “RİA Novosti” agentliyinə istinadən verdiyi məlumata görə, ən azı 5 nəfər ölüb, onlarla insan dağıntı altında qalıb.

Bina qəzalı vəziyyətdə olub və hakimiyyət orqanları sakinlərə binanın yaşayış üçün təhlükəli olduğu barədə öncədən xəbərdarlıq edib. Binada 7 ailə yaşayıb. Ən azı 30 nəfərin dağıntılar altında qaldığı ehtimal edilir. Hazırda xilasetmə əməliyyatı aparılır.