Türkiyə təsdiqlədi; tankımız vurulub

Türkiyənin Silahlı Qüvvələrinin Baş qərargahı "Fərat qalxanı" əməliyyatı zamanı Suriyada türk tankının vurulduğu barədə məlumatı təsdiqləyib.

Trend Hürriyet qəzetinə istinadən xəbər verir ki, hadisə Suriyanın şimalında Tel Əl-Hava yaşayış məntəqəsində türk hərbçilərinin İŞİD silahlıları ilə toqquşma zamanı baş verib. Nəticədə üç türk əsgəri ölüb daha biri isə yaralanıb.

Qeyd edək ki, Türkiyə Silahlı Qüvvələri avqustun 24-də Suriyada "Fərat qalxanı" hərbi əməliyyatına başlayıb.