Kürdüstan müstəqil ola bilməz - Vitse-prezident

Hətta referendum baş tutsa belə, Kürdüstan heç vaxt müstəqil ola bilməz.

Teleqraf.com xarici mediaya istinadla xəbər verir ki, bu sözləri İraqın vitse-prezidenti Huri əl-Maliki deyib.

Onun sözlərinə görə, İraq parçalana bilməz:

"Kürdüstan hüquqi baxımdan müstəqil ola bilməz. Kürdlər İraqın federativ respublika olması ilə bağlı səs verdikləri zamanı öz müqəddaratlarını seçiblər. Onlar hər zaman müqəddaratlarını təyin edə bilərlər. Referendum baş tuta bilər, ancaq Kürdüstan müstəqil ola bilməz".

Qeyd edək ki, İraq Kürd Müxtariyyətinin lideri Məsud Bərzani sentyabrın 25-də Kürdüstanın müstəqilliyi ilə bağlı referendum keçiriləcəyini bəyan edib.