Qızına edilən evlilik təklifinə atadan maraqlı reaksiya - Foto

ABŞ-ın Nevada ştatında yaşayan Levi Bliss adlı gəncin sevdiyi qadın Allison Barrona etdiyi sürpriz evlilik təklifinə qayınatası maraqlı reaksiya verib.

Teleqraf.com xarici mediaya istinadla xəbər verir ki, çölün ortasında sevgilisinin qarşısında dizi üstə çökən Levinin təklifinə Allisondan öncə atası Ceyk təpənin üstündə “Yox de” yazılı plakatla cavab verib.

Allison Barron atasının zaraaftla belə addım atdığını, Levi Blissin ailəsi ilə valideynlərinin bir-birini yaxından tanıdığını deyib: “Atamın xasiyyəti belədir. Ailələrimiz çox yaxındır və bir-birinə hörmət edir. Levinin inciməyəcəyinə əmin olduğu üçün atam təpənin başında zarafatla belə bir plakat tutmuşdu. Bu, indiyə qədər ən xoşbəxt günlərimdən biri idi”.