Kreml Xaçaturovdan imtina edir - Lukaşenkodan etiraf

Belarus və Rusiya liderləri Soçidəki görüş zamanı Kollektiv Təhlükəsizlik Müqaviləsi Təşkilatının baş katibi Yuri Xaçaturovun ətrafında yaranan situasiyanı müzakirə ediblər.

Axar.az xəbər verir ki, bunu “Belarus 1” televiziyasına müsahibəsində Belarus Prezidenti Aleksandr Lukaşenko deyib.

“Biz bu məsələni dərindən nəzərdən keçirdik. KTMT-dəki birgə fəaliyyətimizi və KTMT-nin bugünkü problemlərini müzakirə etdik.

Biz zamanında Yuri Xaçaturovun yerinə digər namizədləri irəli sürmüşdük. O zaman bizi dinləməmişdilər. Bu gün isə hər kəs bu mövzunu müzakirə edərək Lukaşenkonun haqlı olduğunu deyir”, – deyə o bildirib.