Əsəddən İrandakı terrorla bağlı - Mesaj

Suriya Prezidenti Bəşər Əsəd iranlı həmkarı Həsən Ruhaniyə hərbi parad zamanı 29 nəfərin ölümü ilə nəticələnən terror aktı ilə əlaqədar başsağlığı verib.

Teleqraf.com xarici mediaya istinadla xəbər verir ki, Bəşər Əsəd rəsmi Dəməşqin bu cinayət əməlini kəskin pislədiyini bəyan edib.

“Günahsız insanların ölümü ilə bağlı özümün və Suriya xalqının adından dost İrana səmimi qəlbdən başsağlığı verirəm”, - deyə Suriya prezidenti vurğulayıb.

O terroru himayə edən ölkələri bütün dünyada silahlı qruplaşmalara dəstək vermək siyasətinə yenidən baxmağa çağırıb.