“Sizə deyirəm, təzyiqlər davam etsə…” – İrandan ABŞ-a şok təhdid

ABŞ-ın təzyiqləri davam edəcəyi halda rəsmi Tehran “IR8” adlanan uranın zənginləşdirilməsində istifadə edilən sentrifuqaların istehsalını genişləndirəcək.

Teleqraf.com xəbər verir ki, bunu ABŞ-ın İran İnqilab Keşikçilər Qvrardiyasını (SEPAH) terror təşkilatı kimi tanımış ABŞ-a etiraz edən Prezident Həsən Ruhani deyib.

ABŞ-ın qərarını “xəta” adlandıran Ruhani rəsmi Vaşinqtonun bölgədə terror təşkilatlarından öz maraqları üçün istifadə etdiyini bildirib:

“Sizə deyirəm, təzyiqlər davam etsə, “IR8” genişləndirilmiş sentrifuqalar istehsal edəcəyik”.

Qeyd edək ki, ABŞ aprelin 8-də SEPAH-ı terror təşkilatları siyahısına əlavə edib.