15 İyul 2019 11:22
2 321
12 Punto 14 Punto 16 Punto 18 Punto

Türkiyə Prezidenti Rəcəb Tayyib Ərdiğan yeni siyasi partiya qurmağa çalışan sələfi Abdullah Gül və sabiq baş nazir Əhməd Davudoğlu ilə görüşəcək.

Teleqraf.com xəbər verir ki, Ərdoğanın yeni siyasi partiya müzakirələri getdiyi vaxt sabiq maliyyə naziri Mehmet Şimşəklə görüşü diqqət çəkib.

Ərdoğanın sabiq iqtisadiyyat naziri Ali Babacanın partiyasında yer alacağı iddia edilən Şimşəyə müşavirlik təklif etdiyi müzakirə edilərkən, daha bir ilginc iddia irəli sürülüb.

Siyasi analitik Abdulkadir Selvi Ərdoğanın Şimşəkdən sonra Gül və Davudoğlu ilə görüşəcəyini deyib:

“Süleyman Dəmirəl illər sonra “Ən böyük xətam Ədalət Partiyasının qurulmasının qarşısını almamaq idi” demişdi. Çünki bu partiyanın qurulmasından sonra o, yeganə iqtidar olmadı.

Bir az gec olsa da, Ərdoğan Dəmirəlin səhvini təkrarlamaq istəmir. Babacan və Şimşəkdən sonra sürpriz görüşlərin olacağı gözləniləndir. Maraqlıdır, görəsən, Ərdoğan Abdullah Gül və Əhməd Davudoğlu ilə də görüşəcək? Ramazanda bu barədə bir xəbər eşitmişdim”.

Bu xəbər Ərdoğanın siyasi partiya qurmaq istəyən sabiq dövlət rəsmilərinə vəzifə təklif edəcəyi iddiasına yol açıb.


Müəllif: Mənsur Rəğbətoğlu