Mübahisə qanla bitdi: 2 ölü, 3 yaralı – Şok səbəb

Torpaq mübahisəsi zəminində iki ailə arasında dava 2 nəfərin ölümü, 3 nəfərin yaralanması ilə nəticələnib.

Teleqraf.com xəbər verir ki, hadisə Türkiyənin Bitlis şəhərinin Güroymaq qəsəbəsində baş verib.

Polis və jandarma qüvvələri iki ailə arasında qarşıdurmanın təkrarlanmaması üçün təhlükəsizlik tədbirləri görüb.

Məlumata görə, ölümlə nəticələnən hadisə dünən axşam saat 20:30 radələrində baş verib. Aralarında ərazi anlaşılmazlığı üzündən başlanan mübahisəyə tərəflərin qohumlarının müdaxiləsindən sonra silahlı qarşıdurma baş verib. Nəticədə Maşallah Tanər və Allahverdi Yılmaz adlı şəxslər güllə yarasından ölüb. Üç nəfər isə yaralanıb.