Sərkisyan ifadə verdi: Oğurluq, fırıldaqçılıq, qanunsuz silah …

Ermənistanın sabiq prezidenti Serj Sərkisyanın qardaşı Aleksandr Sərkisyan istintaqa ifadə verib.

Teleqraf.com xəbər verir ki, bu barədə Ermənistanın Milli Təhlükəsizlik Xidməti məlumat yayıb.

Əlavə edək ki, Aleksandr Sərkisyan vergidən yayınma, fırıldaqçılıq, oğurluq, şantajla ayrı-ayrı şəxslərdən pul tələb etmə, qanunsuz silah saxlamada ittiham olunur.

Bundan başqa, sabiq prezidentin qardaşına rəssam Martiros Saryanın əsərlərini oğurlama və ayrı-ayrı şəxsləri ölümlə təhdid etmə ittihamı da irəli sürülüb.

Bu dəfəki istintaqın Aleksandr Sərkisyanın Ermənistandan getməməsi barədə xəbərdarlıq xarakteri daşıdığı bildirilib.