12 Dekabr 2019 18:31
1 450

Çinin Ciangsu əyalətində yerləşən Huaxi kəndi Çinin ən zəngin kəndidir.

Teleqraf.com xəbər verir ki, 500-ə yaxın əhalisi olan kənddə 380 ailənin demək olar, hamısı lüks villada yaşayır. Huaxi kəndində artıq çoxmərtəbəli binalar mövcuddur.

Kənddə ağır sənayedən toxuculuq və turizmə qədər bir çox gəlir mənbəyi olmasına baxmayaraq, qazancadkı artım sakinlərə ayrılır. Sakinlər bildirlər ki, ötən il kəndin gəlirləri həddən artıq olduğu üçün hər ailəyə bir maşın verilib.

Huaxi əslində bir kənddən daha çox müəssisə və ya təşkilat kimi fəaliyyət göstərir və kəndlilər bu "təşkilat”ın səhmdarlarıdır. Kəndin əsas gəlir mənbələri ağır sənaye, dəmir, polad və toxuculuqdur.

Bununla bərabər Huaxi kəndi hər il 2 milyondan çox turist qəbul edir. Kənd yüksək səviyyəli məmurundan tutmuş, normal ailələrinə qədər hər kəs qonaqların ehtiyacını ödəmək üçün çox çalışır.

Kəndin başqa bir maraqlı tərəfi iki helikopterinin olmasıdır. Əsasən turistik məqsədlər üçün istifadə olunan vertolyotlardan əlavə kənddə qitələrarası daşınma aparan iki nəhəng yük gəmisi var.

Kəndin yanındakı şəhərətrafı ərazidə Çinin digər yerlərindən çox sayda işçi gəlir. Bu işçilər kəndin əsas gəlirini təmin edən fabriklərdə və obyektlərdə çalışırlar.

Kəndə girəndə yolların mənzərəsi və ətraf birdən dəyişir. Lüks və geniş villalar, habelə lüks avtomobillər diqqət çəkir.


Müəllif: Aysel Azad