Türkiyədə zəlzələdə ölənlərin sayı 35-ə çatdı

Türkiyənin Elazığ əyalətində baş verən zəlzələ nəticəsində ölənlərin sayı 35 nəfərə çatıb.

Teleqraf.com xəbər verir ki, bu barədə Türkiyə Prezidentinin köməkçisi Fuad Oktay məlumat yayıb.

Fuad Oktay dağıntılar altından daha 4 nəfərin meyitinin çıxarıldığını, ümumilikdə 45 nəfərin dağıntılar altından xilas edildiyini söyləyib.

O, axtarış-xilasetmə işləri davam etdirildiyini bildirib.

Xatırladaq ki, yanvarın 24-ü Türkiyənin Elazığ əyalətinin Sivricə rayonunda 6.8 bal gücündə zəlzələ baş verib.