Tiflis və İrəvanın yeni hərbi planı: Erməni hərbçilər Gürcüstanda

Gürcüstan Silahlı Qüvvələrinin komandanı general-leytenant Vladimir Çaçibaya Tiflisdə səfərdə olan Ermənistan Silahlı Qüvvələrinin baş qərargah rəisi Artak Davtyanla görüşüb.

Teleqraf.com xəbər verir ki, bu barədə Gürcüstan Müdafiə Nazirliyi məlumat yayıb.

Mənbə bildirib ki, görüşdə bölgədəki vəziyyət və müdafiə sahəsində ikitərəfli əməkdaşlığın dərinləşdirilməsi və gücləndirilməsi planları müzakirə edilib.

Görüşdə çıxış edən Çaçibayanın sözlərinə görə, əməkdaşlıq çərçivəsində erməni hərbçiləri Gürcüstanın “Saçxer” Hərbi Təlim Mərkəzində kurslar keçirlər.