24 Fevral 17:39
519

Güney azərbaycanlı fəal Həkimə Əhmədi 2 il müddətinə həbs cəzasına məhkum edilib.

Teleqraf.com xəbər verir ki, azərbaycanlı fəal İran hakimiyyətinin əleyhinə təbliğat aparmaqda ittiham olunub.

Həkimə Əhmədi, barəsində irəli sürülən ittihamları qəbul etmir.

Fəal hal-hazırda Marağa həbsxanasında saxlanılır.

Qeyd edək ki, Həkimə Əhmədi 2018-ci il oktyabrın 18-də İran kəşfiyyatı (ETTELAAT) saxlanılaraq sözügedən qurumun Mərənd idarəsinin təcridxanasına aparılıb.

Xanım fəal ETTELAAT-ın təcridxanasında işgəncəyə məruz qalıb. İşgəncədən qabırğa və barmaqları qırılan fəal 2018-ci il oktyabrın 30-da xəstəxanaya aparılıb. O, bir neçə gün müalicə edildikdən sonra noyabrın 2-də yenidən saxlanıldığı təcridxanaya qaytarılıb. Bir müddət sonra Marağa həbsxanasına köçürülüb.

O, həbsdə olduğu 16 ay müddətində bir neçə dəfə aclıq aksiyası keçirib.

İki uşaq anası olan Həkimə Əhmədi sosiologiya mütəxəssisidir.


Müəllif: Mənsur Rəğbətoğlu