İŞİD- qarşı yaradılan koalisiyada yer alan ölkələrin vəzifə bölgüsü açıqlanıb.
Publika.az koalisiyaya qoşulan ölkələrin hesabatlarına əsasən xəbər verir ki,bu günə qədər İŞİD-lə mübarizəyə 780-939 milyon dollar civarında vəsait sərf olunub.
- ABŞ: IŞİD hədəflərinə onlarla hava hücümü həyata keçirib. Bundan başqa hərbi təlimçilər və canlı qüvvə göndərib.
- KÖRFƏZ ÖLKƏLƏRİ: Səudiyyə Ərəbistanı, Birləşmiş Ərəb Əmirlikləri (BƏƏ) və Bəhreyn Suriyadakı hava hücumlarında iştirak edib. BƏƏ və Qətərin hərbi bazaları hava hücumlarında istifadə edilir. Səudiyyə Ərəbistanı hərbi təlimlərə ev sahibliyi edir.
- İORDANİYA: İŞİD-in mövqelərini bombalayıb.
- MİSİR: Hələlik koalisiyada təmsil olunub olunmayacağı açıqlanmasa da, ölkə başçısı Əbdülfəttah əs-Sisi İŞİD-lə mübarizəyə dəstək verəcəyini və ölkəsinin təhlükəsizliyi üçün nə lazımsa etməyə hazır olduğunu bəyan edib.
- İSRAİL: Kəşfiyyat məlumatları ilə ABŞ dəstək olduğu bildirilir.
- İNGİLTƏRƏ: Tornado qırıcıları, təyyarələrə yancaq daşıyan hava gəmisi və kəşfiyyatı ilə İraqda koalisiya qüvvələrinə yardım edir.
- FRANSA: İraqda iki dəfə hava hücumu həyata keçirib. Birləşmiş Ərəb Əmirliklərinin hərbi bazalarından istifadə edir.
- AVSTRALİYA: 8 F/A-18 Hornet reaktiv təyyarəsi və 600 nəfərlik əsgəri heyətlə koalisiyaya qoşulub.
- BELÇİKA: Çox funksyalı 6 F-16 reaktiv təyyarəsi və 8-i pilot olmaqla 120 nəfərlik qrupu İordaniyadakı hərbi bazaya göndərib.
- DANİMARKA: 7 F-16 reaktiv təyyarəsi, 4 əməliyyat, 3 digər reaktiv təyyarə və 12 ay xidmət edəcək pilotlarla birlikdə koalisiyaya qoşulub.
- KANADA: Təxminən 70 nəfərə yaxın xüsusi təyinatlını Kürd peşmərgələrinə təlim keçmək üçün bölgəyə göndərib. Bundan başqa 8 CF-18 döyüş, bir tanker təyyarəsi və iki hərbi yük təyyarəsi ilə peşmərgəyə silah göndərib.
- ALMANYA: Heç bir hava hücumlarına qatılmasa da, Ərbildəki Kürd birliklərinə silah yardımı edir və bir qrup peşmərgənin Almaniyada təlim keçməsinə şərait yaradıb.
- YUNANİSTAN: Humanitar yardım edib. Eyni zamanda peşmərgələrə hərbi ləvazimatlar göndərib.
- MACARİSTAN: Təxminən 6 milyon moduldan ibarət 15 cür ləvazimatla yardım edəcəyini bildirib.
- RUMINYA: Hərbi və humanitar yardım etməklə kifayətlənib.