Bölgədəki 12 minlik ordu geri çəkilir – İki ölkə arasında gərginlik

ABŞ Müdafiə Nazirliyi (Pentaqon) 11 900 hərbi qüvvəsini Almaniyadan geri çəkəcək.

Teleqraf.com xəbər verir ki, bu barədə Pentaqon rəhbəri Mark Esper açıqlama verib.

Hərbi qüvvələrin 5 400-nün digər NATO üzvü olan dövlətlərə göndəriləcəyini deyən Esper, qalanların ABŞ-a qayıdacağını bildirib.

O, köçürülmə işinin qarşıdakı həftələrdə baş verəcəyini deyib.

Almaniyaya dislokasiya edilən “F-16” qırıcıları İtaliyaya göndəriləcəyi halda, Avropa Komandanlığı Qərargahı Belçikaya dislokasiya ediləcək.