Bölgədə durumu dəyişəcək gəlişmə - Tarix sabah açıqlanacaq

İsrailin regional əməkdaşlıq naziri Ofir Akunis ölkəsinin BƏƏ ilə münasibətləri normallaşdırmağı nəzərdə tutan anlaşmanı gələn ayın ortalarında imzalayacağını söyləyib.

Teleqraf.com xəbər verir ki, Akunis sabah Əbu-Dabiyə gedəcək İsrail və ABŞ nümayəndə heyətlərinin müqavilənin imzalanma tarixini müzakirə edəcəklərini bildirib.

Sazişin Vaşinqtonda imzalanacağını deyən nazir qeyd edib ki, sabah BƏƏ-də keçiriləcək danışıqların nəticələrindən biri də razılaşma tarixinin müəyyənləşdirilməsi olacaq: “Ümid edirik ki, imzalama mərasimi Ro. Aşanadan (İbrani təqviminə görə, bu il 18 sentyabrda qeyd ediləcək Yeni il) əvvəl olacaq”.

İsrailin Milli Təhlükəsizlik Xidmətinin rəhbəri meyr Ben-Şabbat və ABŞ prezidentinin müşaviri Jared Kuşnerin də aralarında olduğu Amerika və İsraildən olan nümayəndə heyətləri bir sıra məsələləri müzakirə etmək üçün BƏƏ-yə gedəcək.