Birləşmiş Ərəb Əmirliklərindən (BƏƏ) kommersiya reysi ilə ilk təyyarə İsrailə uçub.
Teleqraf.com xəbər verir ki, bu, ölkələr arasında diplomatik münasibətlərin bərpasından sonra ilk dəfə baş verir.
BƏƏ-nin milli aviaşirkəti “Etihad Airways”ə məxus təyyarə Abu-Dabidən qalxaraq Tel-Əviv yaxınlığındakı “Ben Qurion” hava limanına enib.
“Boeing 787 Dreamliner” təyyarəsi ilə 58 sərnişin – iş adamları, səyahət agentləri, jurnalistlər və “Etihad Airways” rəhbərləri İsrailə gəlib.
İsrail və BƏƏ arasında müntəzəm uçuşların 2020-ci ilin sonuna kimi açılması planlaşdırılır.
Bundan əvvəl İsrail Knesseti (parlament) münasibətləri normallaşdırmaq üçün BƏƏ ilə imzalanmış razılaşmanı təsdiqləmişdi.