Parisdə polislə toqquşma: 142 nümayişçi saxlanıldı

Fransanın paytaxtı Parisdə “Qlobal təhlükəsizlik haqqında” qanundan narazı olan qrupun keçirdiyi etiraz aksiyalarında saxlanılan nümayişçilərin sayı 142 nəfər çatıb.

Teleqraf.com xəbər verir ki, bu barədə Fransa Darici İşlər naziri Cerald Darmanin məlumat yayıb.

Bir aydır davam edən nümayişlərdə təhlükəsizlik qüvvələri ilə aksiya iştirakçıları arasında toqquşma yaşanır.

Qeyd edək ki, Fransa vətəndaşları “Qlobal təhlükəsizlik haqqında” qanun layihəsinin 24-cü maddəsinə etiraz edir.

24-cü maddədə əməliyyat zamanı polis və ya jandarmın kimliyini müəyyənləşdirilməyə kömək edəcək üz və ya bədənin digər hissələrinin şəklinin yayılması qarşılığında cərimə və ya bir il müddətinə həbs cəzası nəzərdə tutulur.