15 Mart 2021 12:54
2 324
12 Punto 14 Punto 16 Punto 18 Punto

Səudiyyə Ərəbistanı da Qarabağdakı 44 günlük savaşdan sonra Türkiyədən pilotsuz uçan aparatlar (PUA) almağa hazırlaşır.

Teleqraf.com xəbər verir ki, bu barədə Səudiyyə Ərəbistanı mətbuatında məlumat yayılıb.

Məlumatda Ər-Riyadın Türkiyədən döyüş və kəşfiyyat PUA-ları istədiyi, bununla bağlı tərəflər arasında Qətərdə görüşün keçirildiyi bildirilib.

Yerli mətbuat ABŞ-ın Səudiyyə Ərəbistanına verdiyi silahların Liviya, Yəmən kimi üçüncü ölkələrdə istifadəsini qadağan etdiyini və Ər-Riyadın bundan narahat olduğunu yazıb.

Səudiyyə Ərəbistanı Qətərlə münasibətlərini normallaşdırdıqdan sonra Dohadan bununla bağlı Ankaranın rəyini öyrənməsini istəyib.


Müəllif: Mənsur Rəğbətoğlu