“Bayden Putinin tələsinə düşə bilər” – Amerika nəşrindən şok iddia

ABŞ Prezidenti Co Baydenin Rusiya iqtisadiyyatını doğru analiz etməməsi, Barak Obamanın Rusiya ilə münasibətlərə səhv yanaşmasını xatırladır və nəticədə Amerikanı tələyə salacaq.

Teleqraf.com xəbər verir ki, bunu “Blumberq” agentliyi yazıb.

Bayden daha əvvəl Putinin "problemlərinin" olduğunu söyləmişdi.

Ağ Ev rəhbərinin sözlərinə görə, Rusiya prezidentinin sərəncamında yalnız nüvə silahı və neft olduğu iddia edilir.

Məqalədə qeyd olunub ki, Rusiyanın neft və qazdan başqa heç bir şey istehsal etməyən iqtisadiyyatı olan güc olması kimi fikirlər tez -tez Amerika siyasətçilərinin ritorikasında yer alır.

“Blumberq” mütəxəssislərinin fikrincə, bu fikir həqiqəti əks etdirmir.

“Rusiya dünyanın ən böyük və ən əsası ən dayanıqlı iqtisadiyyatlarından birini dəstəkləyəcək qədər böyük bir daxili bazara sahibdir”, - məqalədə bildirilib.

Agentlik vurğulayıb ki, vaxtilə Rusiyanı bu cür xarakterizə edən Barak Obama bir sıra problemlərin yaranmasına səbəb olub.

“Blumberq” qeyd edib ki, əgər Baydenin Rusiya iqtisadiyyatı ilə bağlı sözləri onun düşüncələrini əks etdirirsə, o zaman Amerika liderinə yanlış məlumat verilir.