Qarabağda 44 günə əldə edilən tarixi uğur – O ölkə də hərəkətə keçdi

Çexiya mediası Türkiyə istehsalı pilotsuz uçan aparatlarının (PUA) Qarabağdakı 44 günlük müharibədə qazandığı tarixi uğura diqqət çəkib.

Teleqraf.com xəbər verir ki, çex mediası Azərbaycan ordusunun türk PUA-larından peşəkarlıqla istifadə etdiyini, Ermənistan hərbi qüvvələrinə sarsıdıcı zərbə vurduğunu bildirib.

Məlumatda, eyni zamanda Çexiyanın da Azərbaycan, Polşa və Ukraynadan sonra türk PUA-larının müştərsi ola biləcəyi vurğulanıb. Bu sırada Albaniya və Latviyanın da adları çəkilib.

Çexiya müdafiə nazirinin müavini Filip Reha türk jurnalistlərinə açıqlamasında ölkəsinin bu addımı atacağını istisna etməyib:
“Türkiyə ilə müdafiə sənayesi sahəsində əməkdaşlığa hazırıq. ABŞ və Türkiyə arasındakı problemlər bizi maraqlandırmır. Bizi Avropa Birliyi və Çexiyanın qanunları maraqlandırır. Türkiyənin istehsal etdiyi keyfiyyətli məhsullara ehtiyacımız olarsa, texniki-iqtisadi əsaslandırmalara başlayacağıq”.