İsrail bu tarixdən qapılarını turistlərə açır

İsrail noyabrın 1-dən koronavirus peyvəndinin hər iki dozasını almış və ya xəstəlikdən sağalan turistlərin ölkəyə girişinə icazə verəcək.

Teleqraf.com xəbər verir ki, İsrailin Baş nazir Naftali Bennett və Səhiyyə naziri Nitzan Horovitz turistlərin ölkəyə girişinə icazə verən planı təsdiqləyib.

Kabinetin təsdiqindən sonra qüvvəyə minməsi gözlənilən planda, ölkəyə gələn turistlərin Ümumdünya Səhiyyə Təşkilatı tərəfindən tanınan hər iki doza peyvəndləri olmalıdır.

Qeyd edək ki, İsrail COVID-19 epidemiyası səbəbilə 2020-ci ilin mart ayından etibarən qapılarını turistlər üçün bağlayıb.