NATO üzvü olmaq istəyən ölkədən skandal – Türkiyəyə qarşı...

Türkiyənin terrorçulara dəstək verməsi səbəbindən NATO üzvlüyünə etiraz etdiyi İsveçin dövlət televiziyası (SVT) PKK terror təşkilatının uzantısı YPG-nin lideri Saleh Müslümdən müsahibə alıb.

Teleqraf.com xəbər verir ki, Müslüm müsahibəsində İsveçin heç vaxt YPG-ni terror təşkilatı hesab etməyəcəyini iddia edib.

Onun sözlərinə görə, İsveç NATO-ya üzvlüyə görə heç vaxt YPG-ni terror təşkilatı kimi tanımayacaq və Türkiyənin alyansa üzvlük tələblərinə müsbət cavab verməyək.

Terror təşkilatının lideri Saleh Müslümün müxbirin YPG-nin PKK-ya bağlı olub-olmaması ilə bağlı sualına cavab vermək istəməməsi də diqqət çəkib.

İsveç dövlət televiziyasının bölgədə çəkdiyi görüntülərdə PKK terror təşkilatının lideri Abdullah Öcalanın bir çox yerdən asılmış fotoları da yer alıb.