Avropada İŞİD həyəcanı: 13 nəfər həbs edildi

Avstriya polisi gəncləri radikallaşdırmaqda və Suriyadakı döyüşlərə cəlb etməkdə şübhəli bilinən 13 nəfəri həbs edib.

Teleqraf.com-un məlumatına görə, Vyana, Lints və Grats şəhərlərində 500 polisin iştirakı ilə həyata keçirilən əməliyyat zamanı məscid, mənzil və ibadət otaqlarında axtarışlar aparılıb.

Prokurorlar reydlər vaxtı təbliğat materiallarının müsadirə olunduğunu bildiriblər. Prokurorluq terrorçu qrupuna üzv olmaqda şübhəli bilinən 13 adamın həbs edildiyini açıqlayıb.