“Marsa getmək əvəzinə..." - Qeytsdən şok açıqlama

Bill Qeyts Marsa getməkdənsə qızılca peyvəndi almağa üstünlük verəcəyini bildirib.

Teleqraf.com xəbər verir ki, milyarder digər zənginlərdən fərqli olaraq kosmosa getmək əvəzinə peyvəndlərlə məşqul olmağa üstünlük verdiyini açıqlayıb.

O bildirib ki, Marsa getmək əslində çox baha başa gəlir:

"Əvəzində adambaşı 1000 dollara qızılcaya qarşı peyvənd ala və həyat xilas edə bilərsiniz. Süni intellekt bəşəriyyəti dəyişdirəcək. Bu, tibb və elmlə bağlı sualları araşdırmaq imkanı verəcək"

COVİD-19 yayılanda onun haqqında çıxan iddialara təəccübləndiyini də deyən 67 yaşlı iş adamı sözünə belə davam edib: “Pandemiya zamanı mən bunu qəsdən yaratdığım və ya başqalarını təqib etdiyim barədə milyonlarla mesaj aldım. Düzdür, peyvənd işində iştirak etmişəm, amma bunu insanların həyatını xilas etmək üçün aparmışam”.