“Putinlə razılaşmaq mümkün deyil” – Ölkə lideri səbəbini açıqladı

“Rusiya Prezidenti Vladimir Putin hələ Ukrayna ilə ədalətli sülh danışıqlarına hazır deyil”.

Teleqraf.com xəbər verir ki, bunu Almaniya Kansleri Olaf Şolz deyib.

“Putin ədalətli sülhlə bağlı danışıqlara hazırdırmı? Hazırda bunu göstərən heç nə yoxdur”, - kansler bildirib.

Şolzun sözlərinə görə, hazırda Kreml beynəlxalq ictimaiyyətə hədələyici mesajlar ötürməyə üstünlük verir. Almaniya kansleri bunlardan biri kimi Putinin ABŞ-la nüvə anlaşmasını dayandırmaq qərarını göstərib.

Şolz əmindir ki, hazırda Rusiya ilə qarşılıqlı balans prinsipləri əsasında dialoq aparmaq mümkün deyil, Putinin Ukraynanı və Avropanın nizamını məhv etmək istəyi buna mane olur.

Bunun əksinə olaraq, kansler Ukrayna Prezident Vladimir Zelenskinin noyabrda keçirilən G20 sammiti zamanı beynəlxalq ictimaiyyətə təqdim etdiyi sülh planını xatırladıb.