“Vaqner”in 6-cı kolonu Belarusa daxil oldu

100-120 ədəd texnikadan ibarət “Vaqner” qrupunun altıncı kolonu artıq Belarusa gəlib.

Teleqraf.com xəbər verir ki, bu barədə “Belaruski Qayun” monitorinq qrupu məlumat yayıb.

Bildirilib ki, bu indiyədək Belarusa gələn 6-cı və hələlik sonuncu kolondur.

Monitorinq qrupu kolonun 5-10 km uzandığını və “şərti olaraq 2 böyük hissəyə bölündüyünü” vurğulayıb.

Muzdlular kolonu Belarus Respublikasının yol polisinin müşayiəti ilə hərəkət edib.