Döyüşlər şiddətləndi – Eyni anda altı istiqamətdə hücuma keçdilər

Ötən sutka ərzində Rusiya və Ukrayna qüvvələri arasında 36 toqquşma baş verib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna ordusu Melitopol və Berdyan istiqamətlərində hücum əməliyyatlarını davam etdirir, azad edilmiş mövqelərdə möhkəmlənir və əks-hücum əməliyyatları aparır.

Eyni zamanda, rus qoşunları Ukraynanın mövqelərinə bir neçə istiqamətdə birdən hücum edib. Xüsusilə, Kupyan istiqamətində Xarkov vilayətinin Sinkivka rayonu ərazisində irəliləməyə cəhd göstərsələr də, nəticə əldə olunmayıb.

Rusiya qüvvələrinin Baxmut istiqamətində həmlələri əsasən Donetsk vilayətinin Bila Qora və Toretsk şəhərlərinin şərqindəki ərazilərdə cəmləşib. Həmçinin, ruslar şəhər yaxınlığında və Novokalinova kəndi ərazisindən hücuma keçdikləri Avdivi tutmaq cəhdlərini dayandırmırlar. Eynilə, onlar Marin və Krasnoqorivkanı da ələ keçirməyə çalışırlar.

Bundan əlavə, Rusiya qüvvələri bütün cəbhə xətti boyunca - Çerniqov vilayətindən Xersona qədər yaşayış məntəqələrini davamlı atəşə tuturlar.