"Bu işə kimin rəhbərlik etdiyini bilirik" - Lavrov Ermənistan haqda

"Rusiyanın təsirini sarsıtmağa çalışan ən güclü qərbyönlü lobbi Ermənistanda mövcuddur".

Teleqraf.com xəbər verir ki, bunu Rusiyanın xarici işlər naziri Sergey Lavrov BMT Baş Assambleyasının 78-ci sessiyasında işin yekunlarına dair mətbuat konfransında deyib.

O bildirib ki, keçmiş Sovet İttifaqının bir sıra digər ölkələrində olduğu kimi Ermənistanda da qeyri-hökumət təşkilatları təbəqəsi ilə təmsil olunan, o cümlədən bir çox Qərb fondları vasitəsilə ABŞ-ın maraqlarını təşviq edən güclü lobbi var.

"Bir daha təkrar edirəm - bu işdə kimin maraqlı olduğunu və kimin rəhbərlik etdiyini bilirik", - nazir əlavə edib.