Kerri ilə Zərifin 5 saatlıq görüşü

Rəsmi Vaşinqtonla Tehran arasında münasibətlərin gərginliyinə baxmayaraq, intensiv dialoq davam edir. ABŞ dövlət katibi Con Kerri və İranın xarici işlər naziri Məhəmməd Cavad Zərifin İşveçrənin Cenevrə şəhərində baş tutduğu görüş 5 saat davam edib.

Teleqraf.com-un İTAR-TASS agentliyinə istinadən məlumatına görə, İranın nüvə proqramına həsr olunmuş danışıqlar bağlı qapılar arasında keçirilib.

Qeyd olunur ki, həmçinin Kerri və Zərif bir yerdə Cenevrədə yolüstü gəzişiblər. “Biz gərgin işləyirik”, ABŞ diplomatiyasının rəhbəri jurnalistlərə deyib.

Adıçəkilən görüşdən dərhal sonra ABŞ dövlət katibinin siyasi məsələlər üzrə müavini Uendi Şerman İran nümayəndələri ilə məsləhətləşmələr aparacaq.

Yanvarın 18-də isə Cenevrədə İranla “altılıq” ölkələri arasında danışıqların yeni raundu başlayacaq.