Bayden İsrailə səfər edəcək

ABŞ Prezidenti Cozef Bayden oktyabrın 18-də İsrailə səfər edəcək.

Teleqraf.com xəbər verir ki, bu barədə ABŞ dövlət katibi Entoni Blinken “X” sosial şəbəkəsindəki hesabında bildirib.

“Çərşənbə günü, ABŞ Prezidenti İsrailə səfər edəcək. O, bura İsrail, region və dünya üçün kritik anda gəlir”, - Blinken sosial şəbəkədə yazıb.

Birləşmiş Ştatlar liderinin İsrailin Baş naziri Binyamin Netanyahu ilə görüşü gözlənilir.

Qeyd edək ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını açıqlayıb.

Baydendən əvvəl ABŞ-nin dövlət katibi Entoni Blinken və müdafiə naziri Lloyd Ostin də İsrailə səfər edib.

Xatırladaq ki, B.Netanyahu daha əvvəl C.Baydeni ölkəsinə səfərə dəvət etmişdi.