Alman polkovnik Kiyevin ümidlə gözlədiyi silah haqda: “Təsiri olmayacaq”

Rusiya Qərbin Ukraynaya verəcəyi F-16 qırıcılarını məhv edəcək.

Teleqraf.com xəbər verir ki, bunu Almaniya ordusunun istefada olan polkovniki Volfqanq Rixter deyib.

“F-16-lar kosmosdan atılan qanadlı və ya ballistik raketlərə qarşı təsirsizdir. Rusiyanın dərinliyindən vuran sistemləri nəzərdə tuturam. Bunlar Qara Dəniz Donanmasından da buraxıla bilər”, - polkovnik bildirib.

Rixterin fikrincə, F-16-lar döyüş meydanında gedişatı dəyişə biləcək supersilaha çevrilməyəcək.

Ukrayna xarici işlər naziri Dmitri Kuleba bundan əvvəl ilin birinci yarısında F-16 qırıcılarını ala biləcəklərini açıqlayıb. Kiyevdə ABŞ döyüş təyyarələrinin müharibənin gedişini dəyişdirəcəyinə inanırlar.