Ukrayna liderindən kritik mesaj: “Müharibəni 24 saata bitirsə...”

ABŞ-nin sabiq prezidenti Donald Tramp həqiqətən müharibəni 24 saata bitirə bilsə, çox şad olaram.

Teleqraf.com xəbər verir ki, bunu Ukrayna Prezidenti Vladimir Zelenski deyib.

“Bu barədə onunla danışacam. Səmimi deyirəm: əgər onun formatı və ya düsturu sülhə gətirib çıxarsa və 24 saat həqiqətən də onun üçün kifayətdirsə, onda mən çox xoşbəxt prezident olacam. Çox xoşbəxt... Çünki bir gündə nə qədər insan itirdiyimizi bilirəm. Ona görə də kimsə 24 saat ərzində müharibəni necə bitirəcəyini göstərsə, sevinərəm”, - prezident bildirib.

ABŞ prezidentliyinə namizəd Donald Tramp seçiləcəyi təqdirdə Ukraynada müharibəni 24 saat ərzində bitirəcəyinə söz verib. O, həm Rusiya, həm də Ukrayna prezidentlərini yaxşı tanıdığını söyləyib. Trampın sözlərinə görə, seçilsə, müharibəni yüz faiz bitirə biləcək.