Apple 2023-cü ildə dünyanın ən qiymətli brendi oldu

"Apple” brendi illik “Brand Finance Global 500” reytinqinə görə dünyanın ən qiymətli brendi kimi tanınıb.

Teleqraf.com xəbər verir ki, şirkət “Microsoft”, “Google” və “Amazon” kimi rəqiblərini siyahıda geridə qoyub.

Məlumata görə, “Apple” brendinin dəyəri 2023-cü ildə 74% artaraq 517 milyard dollara çatıb.Siyahıda ikinci yeri “Microsoft” korporasiyası tutub, onun brendinin dəyəri 340 milyard dollar (78 faiz artım) təşkil edib. Üçüncü yerdə brend dəyəri 333 milyard dollar olan (artım məlumatı verilmir) Google şirkətidir.