HƏMAS məhbuslara beynəlxalq dəstək aksiyasına başlayır

HƏMAS hərəkatı avqustun 3-nün Qəzza və fələstinli məhbuslara qlobal dəstək günü hesab edilməsini təklif edib.

Teleqraf.com xarici KİV-lərə istinadən xəbər verir ki, bu açıqlama ilə HƏMAS Siyasi Bürosunun rəhbəri İsmayıl Haniyə çıxış edib.

O çıxışı zamanı bildirib ki, bu gündən etibarən İsrail həbsxanalarında olan fələstinlilərin müdafiəsi üçün tədbirlər başlamalı və bu anklavda hərbi əməliyyatlar bitənə qədər davam etdirilməlidir.


“Qoy 3 avqust Qəzza və Fələstin məhbuslarına milli və ümumdünya dəstək günü olsun” - HƏMAS Telegram kanalında çıxışı verilən Haniyyə bildirib.

HƏMAS lideri əlavə edib ki, bu aksiya müraciət “beynəlxalq susqunluq, müharibənin davam etməsi, qərəzli münasibət və Amerika administrasiyasının İsrailə dəstək” faktorlarından irəli gəlir.